نئی دہلی، 23 دسمبر (ہ س)۔ بھارتیہ جنتا پارٹی نے منگل کو الزام عائد کیا کہ پڑوسی ملک بنگلہ دیش کی طرح ترنمول کانگریس کے زیر اقتدار مغربی بنگال میں بھی ہندوو¿ں کے خلاف نشانہ بناکر تشدد کیا جا رہا ہے۔

بی جے پی کے ترجمان ڈاکٹر سدھانشو ترویدی نے پارٹی ہیڈکوارٹر میں ایک پریس کانفرنس میں کہا کہ بنگلہ دیش میں اقلیتی برادریوں پر جاری حملوں نے یقیناً تمام ہندوستانیوں کو تشویش میں مبتلا کر دیا ہے۔ ہندو برادری پر ہونے والے ٹارگٹ حملوں نے بھارت کے اندر ہندوو¿ں کو بھی شدید دکھ اور غصہ پہنچایا ہے، جس کی وجہ سے ملک بھر میں پرامن احتجاج اور دھرنوں کا سلسلہ جاری ہے۔ انہوں نے ان واقعات کی مذمت کرتے ہوئے کہا کہ انڈی اتحاد کے ذریعہ سناتن دھرم کے خاتمے کو اپنا اصول بنا لیا ہے۔

ڈاکٹر ترویدی نے کہا کہ مغربی بنگال حکومت اور پولیس نے ہندو تنظیموں کے پرامن احتجاج کے خلاف وحشیانہ کارروائی کی جو کہ قابل مذمت ہے۔ ترنمول کانگریس کے رہنما فرہاد حکیم نے ایک حلقے کو منی پاکستان کہا تھا۔ انہوں نے الزام لگایا کہ ترنمول کانگریس کے دور حکومت میں مغربی بنگال میں کئی منی پاکستان بنائے جا رہے ہیں۔ ایسا لگتا ہے کہ اگر جماعت اسلامی بنگلہ دیش میں ہندوو¿ں کے خلاف ٹارگٹڈ تشدد کر رہی ہے تو مغربی بنگال میں ترنمول کانگریس کی حکومت ہندوو¿ں کے خلاف ٹارگٹڈ کارروائی کر رہی ہے۔ انہوں نے کہا کہ جس طرح بنگلہ دیش میں سیاسی حالات کی آڑ میں ہندوو¿ں کو نشانہ بنایا جا رہا ہے، اسی طرح مغربی بنگال میں بھی کسی نہ کسی معاملے کے بہانے ہندوو¿ں کے خلاف ٹارگٹڈ تشدد کیا جا رہا ہے۔

ہندوستھان سماچار

ہندوستان سماچار / محمد شہزاد