مدھیہ پردیش میں ٹھنڈ کے درمیان شمالی حصے میں گھنا کوہرا چھایا ، 20 اضلاع میں زیادہ اثر، پارہ گرا
۔ کئی اضلاع میں کم از کم درجہ حرارت 5 ڈگری سیلسیس سے نیچے
بھوپال، 20 دسمبر (ہ س)۔ مدھیہ پردیش کے شمالی حصے میں گھنے کوہرے نے عام زندگی کو متاثر کر دیا ہے۔ گوالیار-چمبل، ریوا، ساگر ڈویژن سمیت تقریباً 20 اضلاع میں کوہرا چھایا ہوا ہے، جہاں کئی جگہوں پر ویزیبلٹی محض 50 میٹر تک رہ گئی ہے۔ دوسری جانب سردی بھی بڑھ گئی ہے اور کئی اضلاع میں کم از کم درجہ حرارت 5 ڈگری سیلسیس سے نیچے درج کیا گیا۔ ایسے میں محکمہ موسمیات نے گائڈ لائن جاری کی ہے۔ آج ہفتہ کو بھی ایسا ہی موسم رہے گا۔ کوہرے کی وجہ سے دہلی سے بھوپال-اندور آنے والی کئی ٹرینیں تاخیر ہو رہی ہیں۔
محکمہ موسمیات کے مطابق، فی الحال ایک ویسٹرن ڈسٹربینس مغربی ہمالیائی خطے کو متاثر کر رہا ہے۔ اس کی واپسی کے بعد مدھیہ پردیش میں اثر دیکھنے کو ملے گا۔ سرد ہواوں کی وجہ سے ٹھنڈ کا مزاج اور بھی بڑھ سکتا ہے۔ فی الحال بھی شمالی ہوائیں چل رہی ہیں۔ اس وجہ سے اندور، راج گڑھ، شاجاپور اور بھوپال میں دن بھی سرد ہیں۔ وہیں، دیر رات اور صبح کے وقت کوہرے کا اثر سب سے زیادہ رہتا ہے۔ اس دوران محفوظ سفر کو لے کر گائڈ لائن بھی جاری کی گئی ہے۔ محکمہ موسمیات نے لوگوں کو محفوظ ڈرائیونگ کرنے کا مشورہ دیا ہے۔ محکمہ نے کہا ہے کہ کم ویزیبلٹی کی وجہ سے غیر ضروری سفر سے بچیں۔ ضروری ہو تو کار کا فوگ لیمپ اور بیم ہیڈ لائٹ کا استعمال کریں۔ ڈرائیونگ دھیرے کریں۔
محکمہ موسمیات نے آج ہفتہ کو گوالیار، مرینا، بھنڈ، دتیا، نیواڑی، ٹیکم گڑھ، چھترپور، پنا، ستنا، ریوا، مئوگنج، سیدھی، سنگرولی میں گھنے کوہرے کا اورینج الرٹ اور جبل پور، دموہ، کٹنی، میہر، امریا-شہڈول میں کوہرے کا یلو الرٹ جاری کیا ہے۔ جہاں صبح گھنا کوہرا دیکھنے کو ملا۔ یہاں صبح 10 بجے تک کوہرا چھانے کا اندازہ ہے۔ جمعہ کی رات ریاست کے کئی شہروں میں پارہ کافی گر گیا۔ بڑے شہروں کی بات کریں تو بھوپال میں 6.4 ڈگری، اندور میں 4.1 ڈگری، گوالیار میں 11.4 ڈگری، اجین میں 7.2 ڈگری اور جبل پور میں 8.6 ڈگری سیلسیس رہا۔
شیو پوری سب سے ٹھنڈا رہا۔ سب سے کم درجہ حرارت 4 ڈگری درج کیا گیا۔ شاجاپور میں 4.1 ڈگری، راج گڑھ میں 5 ڈگری، مندسور میں 5.4 ڈگری، پچمڑھی میں 5.6 ڈگری، ملاجکھنڈ میں 6.8 ڈگری، رائسین میں 7.4 ڈگری، منڈلا میں 7.7 ڈگری، بیتول-امریا میں 7.8 ڈگری، ساگر-نرسنگھ پور میں 9 ڈگری، گنا-رتلام میں 9.2 ڈگری، کھرگون-چھندواڑہ میں 9.6 ڈگری اور دموہ میں پارہ 9.8 ڈگری سیلسیس درج کیا گیا۔
ریاست میں رات کے ساتھ دن بھی سرد ہیں۔ ہفتہ کو کئی شہروں میں پارہ 25 ڈگری سے کم رہا۔ سب سے ٹھنڈا بالاگھاٹ کا ملاج کھنڈ رہا۔ یہاں پارہ 20.7 ڈگری درج کیا گیا۔ ریوا میں 20.8 ڈگری، جبل پور-دتیا میں 21.3 ڈگری، نوگاوں میں 21.7 ڈگری، امریا میں 21.9 ڈگری، ستنا میں 22.2 ڈگری، کھجوراہو میں 22.9 ڈگری، نرسنگھ پور میں 23.4 ڈگری، منڈلا میں 23.5 ڈگری، گوالیار میں 23.6 ڈگری، دموہ میں 23.4 ڈگری رہا۔ وہیں، بھوپال میں 25.5 ڈگری، اندور میں 27 ڈگری اور اجین میں 28.5 ڈگری درج کیا گیا۔
ہندوستھان سماچار
---------------
ہندوستان سماچار / انظر حسن
