ویلور، 17 دسمبر (ہ س)۔ صدر جمہوریہ دروپدی مرمو نے تمل ناڈو کے ویلور ضلع میں سری پورم گولڈن ٹیمپل کمپلیکس میں بنائے گئے دھیان مندر کا افتتاح کیا۔ افتتاح کے بعد صدر جمہوریہ نے مندر میں پورے رسم و رواج کے ساتھ پوجا بھی کی۔

صدر جمہوریہ آندھرا پردیش کے تروپتی سے ہیلی کاپٹر کے ذریعے ویلور کے سری پورم گولڈن ٹیمپل پہنچی۔ ان کی آمد پر مرکزی وزیر مملکت ایل مروگن، تمل ناڈو کے دستکاری کے وزیر گاندھی، ویلور ضلع کلکٹر سبھو لکشمی، ضلع سپرنٹنڈنٹ آف پولیس مائیلواکنن اور ویلور میونسپل کارپوریشن کی میئر سجھاتا نے ان کا استقبال کیا۔

اس کے بعد صدر جمہوریہ نے تقریباً ₹5 کروڑ کی لاگت سے تعمیر کیے گئے دھیان منڈپ کا افتتاح کیا اور سری پورم گولڈن ٹیمپل کا دورہ کیا۔ صدر جمہوریہ کی آمد کے پیش نظر عام عقیدت مندوں کے لیے مندر کے احاطے تک رسائی کو عارضی طور پر روک دیا گیا تھا۔

صدر جمہوریہ کے دورے کے پیش نظر سری پورم گولڈن ٹیمپل اور اس کے آس پاس کے علاقے کو 'ریڈ زون قرار دیا گیا تھا۔ سیکورٹی انتظامات تمل ناڈو اسپیشل سیکورٹی فورس کے کنٹرول میں رکھے گئے تھے۔ مندر کے احاطے میں دو سطحی حفاظتی نظام نافذ کیا گیا تھا اور تقریباً 1000 پولیس اہلکار پورے سری پورم علاقے میں تعینات تھے۔

قابل ذکر ہے کہ صدر جمہوریہ دروپدی مرمو کاتمل ناڈو، کرناٹک اور آندھرا پردیش کا دورہ طے ہے۔ اسی سلسلے میں وہ بدھ کو تمل ناڈو پہنچی اور ویلور میں منعقدہ ایک پروگرام میں شرکت کی۔

ہندوستھان سماچار

ہندوستان سماچار / محمد شہزاد