ناگپور، 14 دسمبر(ہ س)۔

مہاراشٹر

مقننہ کا سرمائی اجلاس اتوار کو اپنے اختتام کو پہنچ گیا جب ریاست کے گورنر آچاریہ

دیوورت نے دونوں ایوانوں کو باضابطہ طور پر ملتوی کرنے کا حکم دیا۔ ناگپور میں

منعقدہ یہ اجلاس ایک ہفتے تک جاری رہا۔ التوا کے احکامات اسمبلی میں اسپیکر راہل

نارویکر اور کونسل میں چیئرپرسن رام شندے نے ایوان میں پڑھ کر سنائے۔

اسمبلی

کے اسپیکر راہل نارویکر نے اجلاس کی مجموعی کارکردگی پر روشنی ڈالتے ہوئے بتایا کہ

سات دن کے اس اجلاس میں ایوان زیریں نے 72 گھنٹے 35 منٹ تک کارروائی کی۔ ان کے

مطابق روزانہ اوسط کام کا دورانیہ 10.22 گھنٹے رہا اور پورے اجلاس میں صرف 10 منٹ

کا وقت ضائع ہوا۔ انہوں

نے یہ بھی بتایا کہ سرمائی اجلاس کے دوران اسمبلی میں 18 بل پیش کیے گئے، جن میں

سے 16 بلوں کو منظور کر لیا گیا، جو قانون سازی کے نقطۂ نظر سے اہم پیش رفت ہے۔

اسمبلی

کے اسپیکر راہل نارویکر اور قانون ساز کونسل کے چیئرپرسن رام شندے نے اعلان کیا کہ

ریاستی مقننہ کا آئندہ اجلاس اگلے سال 23 فروری سے ممبئی میں شروع ہوگا۔

ہندوستھان

سماچار

ہندوستان سماچار / جاوید این اے