نئی دہلی، 4 نومبر (ہ س)۔ مغربی دہلی کے موتی نگر علاقے میں منگل کی صبح اس وقت سنسنی پھیل گئی جب گرینڈ ہورائزن بینکویٹ ہال کے سامنے نجف گڑھ روڈ پر فٹ پاتھ کے پاس ایک شخص کی لاش پڑی ہوئی ملی۔ پولیس نے جائے وقوعہ پر پہنچ کر علاقے کو گھیرے میں لے لیا۔ تحقیقات سے معلوم ہوا کہ متوفی رام کرن (54) تھا جو راما روڈ کا ساکن تھا۔

پولیس کے مطابق منگل کی صبح تقریباً 7 بجکر 15 منٹ پر پی سی آر کال موصول ہوئی جس میں فٹ پاتھ پر ایک شخص کی لاش پڑی ہونے کی اطلاع ملی۔ اطلاع ملتے ہی پولیس کی ٹیم جائے وقوعہ پر پہنچی اور سر کے اگلے حصے اور پیٹ کے نچلے حصے پر زخموں کے نشانات پائے۔ متوفی کا کچھ سامان ادھر ادھر بکھرا ہوا تھا۔ جائے وقوعہ کو فوری طور پر گھیرے میں لے کر محفوظ بنا لیا گیا۔

کرائم اور ایف ایس ایل کی ٹیمیں جائے وقوعہ پر طلب کر لی گئیں۔ انہوں نے جائے وقوعہ کا معائنہ کیا اور شواہد اکٹھے کئے۔ ایک پولیس افسر نے بتایا کہ لاش کو اسپتال کے مردہ خانے میں بھیج دیا گیا ہے۔ افسر کے مطابق موت کی اصل وجہ پوسٹ مارٹم رپورٹ آنے کے بعد ہی بتائی جائے گی۔ فی الحال، پولیس جائے وقوعہ کے آس پاس سے لگے سی سی ٹی وی فوٹیج کی جانچ کر کے معاملے کی تفتیش کر رہی ہے۔

ہندوستھان سماچار

ہندوستان سماچار / محمد شہزاد