نئی دہلی، 30 اکتوبر (ہ س)۔ وزارت خارجہ نے کہا ہے کہ حکومت ہندوستانی عوام کی ضروریات کو پورا کرنے کے لیے متنوع ذرائع سے سستی تیل کی خریداری کو یقینی بنا رہی ہے۔ جمعرات کو ہفتہ وار پریس کانفرنس سے خطاب کرتے ہوئے وزارت خارجہ کے ترجمان رندھیر جیسوال نے روسی تیل کمپنیوں پر امریکی پابندیوں پر کہا کہ ان کے اثرات کا گہرائی سے مطالعہ کیا جا رہا ہے۔ انہوں نے کہا کہ ہمارے فیصلے عالمی منڈی کے بدلتے ہوئے حالات کو مدنظر رکھتے ہوئے کیے جاتے ہیں۔ انہوں نے واضح کیا کہ توانائی کے ذرائع کے وسیع تر سوال پر ہندوستان کا موقف پہلے ہی واضح ہے: ہندوستان کی ترجیح سستی اور متنوع ذرائع سے توانائی حاصل کرنا ہے تاکہ اپنے شہریوں کی توانائی کی حفاظت کو یقینی بنایا جاسکے۔ امریکا کے ساتھ تجارتی مذاکرات کے حوالے سے ترجمان نے کہا کہ دونوں فریقین کے درمیان تجارتی معاہدے کو حتمی شکل دینے کے لیے بات چیت جاری ہے۔

---------------

ہندوستان سماچار / عبدالسلام صدیقی