کوئٹہ، 3 اکتوبر (ہ س) پاکستانی فوج نے جمعہ کے روز یہاں دعویٰ کیا ہے کہ سیکیورٹی فورسز نے بلوچستان کے ضلع شیرانی میں انٹیلی جنس آپریشن کے دوران سات بلوچ جنگجوؤں کو ہلاک کردیا۔
اخبار ڈان نے یہ خبر فوج کے میڈیا امور کے ونگ ’’انٹر سروسز پبلک ریلیشنز‘‘ (آئی ایس پی آر) کے حوالے سے دی۔
فوج کے مطابق، یکم اکتوبر کو، سیکورٹی فورسز نے جنگجو گروپ فتنہ الخوارج سے تعلق رکھنے والے جنگجوؤں کی مبینہ موجودگی کا پتہ لگانے کے بعد شیرانی میں آپریشن شروع کیا اور عسکریت پسندوں کے ٹھکانوں پر موثر حملہ کیا۔ حملے کے دوران شدید فائرنگ کے تبادلے میں مبینہ طور پر سات جنگجو مارے گئے۔ فوج نے اس گروپ پر بھارت کے ساتھ روابط کا الزام لگایا اور بلوچستان میں جاری تنازع کو بھارت کی سرپرستی قرار دیا۔ حکومت کالعدم تحریک طالبان پاکستان (ٹی ٹی پی) سے وابستہ عسکریت پسندوں کے لیے فتنہ الخوارج کی اصطلاح استعمال کرتی ہے۔
بیان کے مطابق، جنگجوؤں سے بھاری مقدار میں اسلحہ، گولہ بارود اور دھماکہ خیز مواد برآمد کیا گیا ہے۔ وہ کئی ملک دشمن سرگرمیوں میں سرگرم رہے ہیں۔ علاقے میں چھپے دیگر عسکریت پسندوں کی شناخت کے لیے تلاشی آپریشن جاری ہے۔
فوج نے مبینہ طور پر ہندوستانی اسپانسر شدہ دہشت گردی کے خطرے کو ختم کرنے اور مجرموں کو انصاف کے کٹہرے میں لانے کے لیے قوم کے ساتھ اپنے عزم کا اظہار کیا ہے۔
یہ بات قابل ذکر ہے کہ پاکستان میں خاص طور پر خیبر پختونخواہ اور بلوچستان میں دہشت گردانہ حملوں میں اضافہ دیکھا گیا ہے۔ یہ حملے بنیادی طور پر پولیس، قانون نافذ کرنے والے اہلکاروں اور سیکورٹی فورسز کو نشانہ بناتے ہیں۔ ٹی ٹی پی نے 2022 میں حکومت کے ساتھ جنگ بندی کا معاہدہ توڑنے کے بعد سے ان حملوں میں نمایاں اضافہ ہوا ہے۔
---------------
ہندوستان سماچار / عبدالسلام صدیقی
