نئی دہلی، 26 اکتوبر (ہ س): اپنے ماہانہ ریڈیو پروگرام من کی بات میں، وزیر اعظم نریندر مودی نے سیکورٹی فورسز میں ہندوستانی نسل کے کتوں کو اپنانے اور ان کی تربیت کی تعریف کی۔ انہوں نے کہا کہ پانچ سال قبل انہوں نے اہل وطن اور سیکورٹی فورسز پر زور دیا تھا کہ وہ ہندوستانی نسل کے کتے پالیں۔

من کی بات کے 127ویں نشریہ میں وزیر اعظم نے کہا کہ بی ایس ایف اور سی آر پی ایف نے اپنے دستوں میں ہندوستانی نسل کے کتوں کی تعداد میں اضافہ کیا ہے۔ بی ایس ایف کا نیشنل ٹریننگ سینٹر گوالیار کے ٹیکن پور میں واقع ہے۔ رام پور ہاؤنڈ، مدھول ہاؤنڈ، اور دیگر ہندوستانی نسلوں پر خصوصی توجہ دی جا رہی ہے۔ ان کتوں کے تربیتی مینوئل میں بھی ان کی خصوصی صلاحیتوں کو اجاگر کرنے کے لیے نظر ثانی کی گئی ہے۔

وزیر اعظم نے کہا، ہندوستانی نسل کے کتے اپنے ماحول اور حالات کے مطابق تیزی سے ڈھل جاتے ہیں۔

انہوں نے کہا کہ ہندوستانی نسلوں جیسے مونگریلز، مدھول ہاؤنڈز، کومبیس اور پانڈیکوناس کو بنگلورو میں سی آر پی ایف کے ڈاگ بریڈنگ اینڈ ٹریننگ اسکول میں تربیت دی جارہی ہے۔ پچھلے سال، لکھنؤ میں آل انڈیا پولیس ڈیوٹی میٹ میں، مدھول ہاؤنڈ ریا نے غیر ملکی نسلوں کو پیچھے چھوڑتے ہوئے پہلا انعام جیتا تھا۔

ہندوستھان سماچار

---------------

ہندوستان سماچار / عبدالواحد