اسلام آباد،24اکتوبر(ہ س)۔

پاکستان کی وزارت داخلہ نے ٹی ایل پی کو کالعدم جماعت قرار دیتے ہوئے فرسٹ شیڈول کی فہرست میں شامل کردیا۔وزرات داخلہ نے تحریک لبیک پاکستان (ٹی ایل پی) کو کالعدم جماعت قرار دے دیا، جس کے بعد ٹی ایل پی کو فرسٹ شیڈول کی فہرست میں شامل کردیا گیا ہے۔حکومت کی جانب سے ٹی ایل پی پر پابندی کے حوالے سے نوٹی فکیشن بھی جاری کردیا گیاہے، جس کے تحت کالعدم تنظیم پر سرگرمیاں کرنے پر پابندی ہوگی۔

وزارت داخلہ کے مطابق ٹی ایل پی کو انسداد دہشت گردی ایکٹ کے تحت کالعدم قرار دیا گیا ہے، جس کے بعد اب وزارت داخلہ کی رپورٹ وزرات قانون کو بھجوائی جائے گی۔ وزرات قانون ریفرنس تیار کر کے سپریم کورٹ میں جمع کرائے گی۔واضح رہے کہ وفاقی کابینہ نے کل پنجاب حکومت کی سفارش پر ٹی ایل پی پر پابندی عائد کرنے کی منظوری دی تھی۔واضح رہے کہ گزشتہ دنوں ٹی ایل پی نے پاکستان میں اسرائیل کے خلاف پراسلام آباد مارچ نکالا تھا جس میں بڑے پیمانے پر تشدد پھوٹ پڑا تھا، کئی پولس اہلکار اور عام شہری ہلاک ہوگئے تھے۔جس کے بعد پاکستانی حکومت نے سخت نوٹس لیتے ہوئے ٹی ایل پی کے خلاف سخت کارروائی کی ہے۔

ہندوستھان سماچار

ہندوستان سماچار / Mohammad Khan