رائے گڑھ، 23 اکتوبر (ہ س)۔

گھرگھوڑھا تھانہ علاقہ کے تحت کپاٹ ڈیرا بھندرا گاو¿ں میں ہوئے دوہرے قتل کا معمہ پولیس نے حل کر لیا ہے۔ بدھ کی صبح گھر کے باہر شوہر اور بیوی کی خون میں لت پت لاشیں ملنے سے گاو¿ں میں کہرام مچ گیا۔ تفتیش سے معلوم ہوا کہ مقتول کے بھانجے اور اس کے ماموں نے پرانی دشمنی اور مالی تنازعہ کی بنا پر قتل کیا ہے۔ پولیس نے دونوں ملزمان کو گرفتار کرکے جمعرات کو عدالتی تحویل میں بھیج دیا۔

معلومات کے مطابق کپاٹ ڈیرایر بھیندرا گاو¿ں کے رہنے والے گربر سنگھ راٹھیا (43) اور ان کی بیوی مانیتا راٹھیا (30) کی لاشیں ان کے گھر کے باہر پڑی ہوئی پائی گئیں۔ اطلاع ملتے ہی گھرگھوڑھا پولیس اسٹیشن کے انچارج انسپکٹر کمار گورو ساہو سمیت اعلیٰ افسران جائے وقوعہ پر پہنچے۔ پولیس سپرنٹنڈنٹ دیویانگ پٹیل، ایڈیشنل سپرنٹنڈنٹ آف پولیس آکاش مرکام، ایس ڈی او پی دھرمجائی گڑھ سدھانت تیواری، ڈی ایس پی سائبر سیل انل وشوکرما، ایف ایس ایل اور ڈاگ اسکواڈ کی ٹیمیں جائے وقوعہ پر پہنچی اور مکمل جانچ کی اور ضروری شواہد اکٹھے کئے۔

ملزم کی نشاندہی پر پولیس نے قتل میں استعمال ہونے والا ڈنڈا اور موبائل فون برآمد کر لیا۔ دونوں ملزمان بھگلو عرف اوم پرکاش راٹھیا (20 سال) اور اوم پرکاش راٹھیا (32 سال) جو کہ گاو¿ں کپاٹ ڈیر بھیندرا، گھرگھوڑھا تھانہ کے رہنے والے ہیں، کو گرفتار کرکے ریمانڈ پر بھیج دیا گیا ہے۔

ہندوستھان سماچار

ہندوستان سماچار / عطاءاللہ