جموں و کشمیر کے اراکین اسمبلی کے لیے آج سے تین روزہ تعارفی پروگرام کا انعقاد
جموں، 9 جنوری (ہ س)۔ جموں و کشمیر کی قانون ساز اسمبلی کے اراکین کے لیے تین روزہ تعارفی پروگرام آج سے جموں میں اسمبلی کمپلیکس کے مرکزی ہال میں شروع ہوگا۔ اس کا اہتمام اسمبلی سکریٹریٹ نے لوک سبھا سکریٹریٹ کے پی آر آئی ڈی ای شعبے کے تعاون سے کیا ہے۔ افتتاحی تقریب میں وزیر اعلیٰ، اسپیکر، نائب وزیر اعلیٰ اور دیگر معزز شخصیات شرکت کریں گی۔
جموں و کشمیر کی پہلی قانون ساز اسمبلی 8 اکتوبر 2024 کو تشکیل دی گئی تھی، جس میں موجودہ 88 اراکین میں سے 50 پہلی بار منتخب ہوئے ہیں۔ نئے اراکین کو ایوان کی کارروائیوں، قانون سازی کے طریقہ کار اور عوامی توقعات پر پورا اترنے کے لیے اس پروگرام میں تربیت دی جائے گی۔ ممتاز پارلیمنٹرینز ڈاکٹر سنجے جیسوال، این کے پریم چندرن، اور ڈاکٹر ستیہ پال سنگھ مختلف موضوعات پر لیکچرز دیں گے، جن میں قانون سازی، بجٹ، سوالات کے ذریعے احتساب، اور نیوا شامل ہیں۔یہ پروگرام اراکین کی صلاحیتوں میں اضافہ کرے گا اور انہیں پالیسی سازی اور نفاذ میں مؤثر کردار ادا کرنے کے لیے تیار کرے گا۔
ہندوستھان سماچار
---------------
ہندوستان سماچار / محمد اصغر
