اداکار اکشے اوبرائے نے بھارتی فلم انڈسٹری میں اپنی پہچان بنائی ہے اب اکشے نے اپنے کریئر کی ایک بڑی کامیابی پر بات کی۔ فلم انڈسٹری میں 14 سال کی محنت اور جدوجہد کے بعد اکشے کو دھرما پروڈکشن جیسے باوقار ہاوس میں کام کرنے کا موقع ملا ہے جس کا انتظام مشہور فلم ساز کرن جوہر کرتے ہیں۔ اکشے نے دھرما پروڈکشن کی آنے والی رومانٹک کامیڈی فلم 'سنی سنسکاری کی تلسی کماری' کو اپنے کیریئر میں ایک بڑا بریک قرار دیا ہے۔

اپنے سفر کے بارے میں یاد کرتے ہوئے اکشے نے کہا، مجھے دھرما پروڈکشن جیسے پاور ہاؤس کی توجہ حاصل کرنے میں 14 سال لگے۔ یہ میرے لیے ایک بہت بڑا ذاتی سنگ میل ہے۔ ہماری انڈسٹری میں کرن جوہر کی فلمیں صرف ان کی کہانی پر ہی نہیں ہوتیں بلکہ وہ ناظرین پر اس کے اثرات کے لیے مشہور ہیں، دھرما کی فلم کا حصہ بننا ایک وراثت میں شامل ہونا ہے، یہ ہر اداکار کے لیے ایک خاص تجربہ ہے۔

اکشے نے کہا، سنی سنسکاری کی تلسی کماری ایک رومانوی کامیڈی ہے، لیکن یہ اس سے کہیں زیادہ ہے۔ اس فلم میں ورون دھون، جھانوی کپور، سانیا ملہوترا، روہت صراف اور منیش پال جیسے عظیم اداکاروں کے ساتھ کام کرنے کا موقع ملنا ایک بہت بڑی بات ہے۔ یہ میرے لیے بہت خاص ہے۔ میں نے ہمیشہ اس بات پر یقین کیا ہے کہ یہ محنت اور لگن کا نتیجہ ہے، اور مجھے امید ہے کہ یہ میرے کیریئر کے ایک نئے باب کا آغاز ہے۔

ششانک کھیتان کی ہدایت کاری اور کرن جوہر اور اپوروا مہتا کی پروڈیوس کردہ یہ فلم دھرما پروڈکشنز کی آنے والی فلموں سے ایک خاص پیشکش ہوگی۔ سنی سنسکاری کی تلسی کماری 2025 کی سب سے زیادہ تفریحی رومانوی کامیڈی فلموں میں سے ایک ہونے کی امید ہے۔

---------------

ہندوستان سماچار / عبدالسلام صدیقی