نئی دہلی، 6 جنوری (ہ س)۔

مرکزی وزیر داخلہ امت شاہ منگل کو دہلی کے بھارت منڈپم میں سینٹرل بیورو آف انویسٹی گیشن (سی بی آئی) کے ذریعہ تیار کردہ بھارت پول پورٹل کا آغاز کریں گے۔ اس موقع پر مرکزی وزیر داخلہ سی بی آئی افسران اور ملازمین کو پولیس میڈل بھی دیں گے۔

وزارت داخلہ نے پیر کو ایک بیان جاری کرتے ہوئے کہا کہ وزیر اعظم نریندر مودی کی قیادت میں مرکزی حکومت نے ملک کی قانون نافذ کرنے والی ایجنسیوں کو مضبوط بنانے کی سمت میں کئی اہم اقدامات کیے ہیں۔ بھارت پول پورٹل ہندوستانی قانون نافذ کرنے والے اداروں کو حقیقی وقت میں معلومات کا اشتراک کرنے کے قابل بنائے گا، جس سے بین الاقوامی پولیس تعاون تک تیزی سے رسائی ممکن ہو گی۔

سی بی آئی ، بھارت میں انٹرپول کے لیے قومی مرکزی بیورو (این سی بی ) کے طور پر، قانون نافذ کرنے والی ایجنسیوں سمیت ملک بھر کی مختلف ایجنسیوں کے ساتھ مل کر فوجداری مقدمات میں بین الاقوامی تعاون کی سہولت فراہم کرتا ہے۔ مرکز، ریاست اور مرکز کے زیر انتظام علاقوں کی سطح پر، یہ رابطہ انٹرپول رابطہ افسروں (آئی ایل او) کے ذریعے کیا جاتا ہے جو اپنے متعلقہ اداروں کے اندر پولیس سپرنٹنڈنٹ، کمشنر آف پولیس اور برانچ ہیڈز کی سطح پر یونٹ آفیسرز (یو او) سے جڑے ہوتے ہیں۔ اس وقت سی بی آئی، آئی ایل او اور یو او کے درمیان مواصلت بنیادی طور پر خطوط، ای میلز اور فیکس پر منحصر ہے۔

ہندوستھان سماچار

ہندوستان سماچار / عطاءاللہ