نئی دہلی، 3 جنوری (ہ س)۔

فارماسیوٹیکل سیکٹر کی کمپنی سٹی کیم انڈیا لمیٹڈ کے شیئرز نے آج آئی پی او سرمایہ کاروں کو مایوس کیا۔ آئی پی او کے تحت کمپنی نے 70 روپے کی قیمت پر شیئرز جاری کیے تھے۔ آج، شیئرزبی ایس ای کے ایس ایم ای پلیٹ فارم پر بغیر کسی اتار چڑھاو کے 70 روپے کی قیمت پر درج ہوئے۔ لسٹنگ کے بعد فروخت کے دباو¿ کے باعث یہ حصص 66.50 روپے کے لوئر سرکٹ کی سطح پر آگیا۔ تاہم جب بعد میں خریداری شروع ہوئی، تو اسٹاک نے لوئر سرکٹ کو توڑ دیا اور آج کا کاروبار 1.90 روپے کی کمزوری کے ساتھ 68.10 روپے پر ختم ہوا۔ اس طرح کمپنی کے آئی پی او سرمایہ کاروں کو پہلے دن ہی 2.71 فیصد کے خسارے کا سامنا کرنا پڑا۔

سٹی کیم انڈیا لمیٹڈ کا 12.60 کروڑ روپے کاآئی پی او 27 اور 31 دسمبر کے درمیان سبسکرپشن کے لیے کھلا تھا۔ اس آئی پی او کو سرمایہ کاروں کی جانب سے زبردست ردعمل ملا، جس کی وجہ سے اسے مجموعی طور پر 414.35 گنا سبسکرائب کیا گیا۔ اس آئی پی او کے ذریعے 10 روپے کی قیمت کے 18 لاکھ نئے شیئرز جاری کیے گئے ہیں۔ کمپنی ان شیئرز کے ذریعے جمع ہونے والی رقم کو نئی جائیداد خریدنے، ٹرانسپورٹیشن گاڑیاں اور لوازمات خریدنے اور عام کارپوریٹ مقاصد کے لیے استعمال کرے گی۔

سٹی کیم انڈیا لمیٹڈ کی مالی حالت کے بارے میں بات کریں، جو کہ 1992 سے کام کر رہی ہے، کمپنی کے دعوے کے مطابق، اس کے منافع میں مسلسل اضافہ ہو رہا ہے۔ 2021-22 میں، کمپنی کا خالص منافع 23.94 لاکھ روپے تھا، جو اگلے مالی سال میں بڑھ کر 36.26 لاکھ روپے ہو گیا۔ اسی طرح 2023-24 میں کمپنی کا منافع 1.12 کروڑ روپے کی سطح پر پہنچ گیا۔ رواں مالی سال کی پہلی سہ ماہی میں ہی کمپنی نے 19.95 لاکھ روپے کا خالص منافع کمایا ہے۔

ہندوستھان سماچار

ہندوستان سماچار / Mohammad Khan