جموں, 24 جنوری (ہ س)ضلع رامبن کے بانہال ریلوے اسٹیشن پر جمعہ کی صبح ایک ٹیمپو ڈرائیور کی لاش پراسرار حالات میں اس کی گاڑی سے برآمد ہوئی، جس سے علاقے میں سنسنی پھیل گئی۔سرکاری ذرائع کے مطابق، ریلوے اسٹیشن بانہال پر ایک ٹیمپو گاڑی سے ایک شخص کی لاش برآمد ہوئی ہے، جو مبینہ طور پر اسی گاڑی کا ڈرائیور بتایا جا رہا ہے۔ تاہم، مرنے والے کی شناخت تاحال نہیں ہو سکی ہے۔پولیس نے موقع پر پہنچ کر تحقیقات کا آغاز کر دیا ہے اور لاش کو قانونی کارروائی کے لیے اپنی تحویل میں لے لیا ہے۔ مزید حقائق جاننے کے لیے تفتیش جاری ہے۔

ہندوستھان سماچار

ہندوستان سماچار / محمد اصغر