نئی دہلی، 24 جنوری (ہ س)۔عالمی بازاروں سے آج مسلسل پانچویں روز مثبت رجحانات نظر آ رہے ہیں۔ گزشتہ سیشن کے دوران امریکی مارکیٹ میں جوش کا ماحول قائم رہا، جس کی وجہ سے وال اسٹریٹ کے انڈیکس تیزی سے سبز رنگ میں بند ہوئے۔ ڈاو¿ جونز فیوچرز بھی آج معمولی اضافے کے ساتھ کاروبار کرتا ہوا نظر آ رہا ہے۔ گزشتہ عرصے کے دوران بھی یورپی بازاروں میں مسلسل خریداری ہوتی رہی۔ تاہم آج ایشیائی بازاروں میں ملا- جلا کاروبار ہوتا نظر آ رہا ہے ۔

امریکی صدر ڈونالڈ ٹرمپ کے داو¿س میں بیان کے بعد جہاں خام تیل کی قیمت میں کمی واقع ہوئی ہے وہیں امریکی مارکیٹ میں جوش و خروش بڑھ گیا۔ امریکی مارکیٹ میں گزشتہ سیشن کے دوران تیزی رہی جس کی وجہ سے وال اسٹریٹ انڈیکس مضبوطی سے بند ہونے میں کامیاب رہے۔ ایس اینڈ پی 500 انڈیکس 0.51 فیصد اضافے کے ساتھ 6,117.22 پوائنٹس پر بند ہوا۔ اسی طرح نیس ڈیک نے 0.17 فیصد چھلانگ لگاکرگزشتہ سیشن کے کاروبار کو 20,043.08 پوائنٹس کی سطح پر ختم کیا۔ ڈاو¿ جونز فیوچرز فی الحال 0.01 فیصد کے معمولی اضافے کے ساتھ 44,567.67 پوائنٹس کی سطح پر کاروبار کر رہا ہے۔

امریکی بازار کی طرح یورپیبازاروں میں بھی گزشتہ سیشن کے دوران جوش نظر آیا۔ ایف ٹی ایس ای انڈیکس 0.23 فیصد اضافے کے ساتھ 8,565.20 پوائنٹس پر بند ہوا۔ اسی طرح، س اے سی انڈیکس 0.70 فیصد اضافے کے ساتھ 7,892.61 پوائنٹس کی سطح پر گزشتہ سیشن کے کاروبار کا اختتام ہوا۔ اس کے علاوہ ڈی اے ایکس انڈیکس 157.26 پوائنٹس یعنی 0.73 فیصد اضافے کے ساتھ 21,411.53 پوائنٹس کی سطح پر بند ہوا۔

ایشیائی بازاروں میں آج ملا- جلا کاروبار دیکھا گیا۔ ایشیا کے 9 بازاروں میں سے 4 کے انڈیکس تیزی کے ساتھ سبز نشان میں کاروبار کر رہے ہیں، جبکہ 4 انڈیکس کمی کے ساتھ سرخ نشان میں ہیں۔ تائیوان اسٹاک ایکسچینج میںتعطیل ہونے کی وجہ سے آج تائیوان ویٹڈ انڈیکس میں کوئی ہلچل نہیں ہے۔ گفٹ نفٹی فی الحال 98 پوائنٹس یعنی 0.42 فیصد کی کمزوری کے ساتھ 23,159 پوائنٹس کی سطح پر کاروبار کر رہا ہے۔ اسی طرح جکارتہ کمپوزٹ انڈیکس 0.26 فیصد گر کر 7,213.69 پوائنٹس کی سطح پر آ گیا ہے۔ اس کے علاوہ اسٹریٹس ٹائمز انڈیکس 0.08 فیصد گر کر 3,803.69 پوائنٹس کی سطح پر اور نکئی انڈیکس 0.07 فیصد گر کر 39,929.50 پوائنٹس کی سطح پر کاروبار کر رہا تھا۔

دوسری جانب کوسپی انڈیکس 0.51 فیصد اضافے کے ساتھ 2,528.26 پوائنٹس کی سطح پر کاروبار کر رہا ہے۔ اسی طرح سیٹ کمپوزٹ انڈیکس 0.10 فیصد اضافے کے ساتھ 1,345.56 پوائنٹس کی سطح پر پہنچ گیا ہے۔ آج ہینگ سینگ انڈیکس میں زبردست اضافہ ہوا ہے۔ اس وقت یہ انڈیکس 356.90 پوائنٹس یعنی 1.78 فیصد بڑھ کر 20,057.46 پوائنٹس کی سطح پر پہنچ گیا ہے۔ اس کے علاوہ شنگھائی کمپوزٹ انڈیکس 0.73 فیصد کی مضبوطی کے ساتھ 3,253.79 پوائنٹس کی سطح پر تجارت کرتا ہوانظر آرہا ہے۔

ہندوستان سماچار / محمد شہزاد