ڈلیوال کا انشن 58ویں دن میں داخل، سپریم کورٹ میں آج سماعت

چنڈی گڑھ، 22 جنوری (ہ س)۔ پنجاب کے کھنوری بارڈر پر کسان رہنما جگجیت سنگھ ڈلیوال کا انشن بدھ کو 58ویں دن میں داخل ہو گیا۔ طبی دیکھ بھال کے بعد ڈلیوال کی حالت پہلے سے بہتر ہے۔ بدھ کو ڈاکٹروں کی موجودگی میں ڈلیوال کو کھنوری بارڈر پر ہی دوسرے کمرے میں شفٹ کیا جائے گا۔ سپریم کورٹ میں آج اس معاملے کی سماعت ہونے والی ہے جہاں ڈلیوال کی میڈیکل رپورٹ پنجاب حکومت پیش کرے گی۔

ڈلیوال نے آج جاری ایک بیان میں کہا کہ مجھے علاج کی ضرورت نہیں تھی۔ جو 121 کسان مرن ورت پر بیٹھے تھے، ان کی وجہ سے میں نے دباو ڈالا اور ٹریمنٹ لینے کے لیے راضی ہوا۔ ہم محاذ کو روٹی سے نہیں بلکہ اکال پرکھ کی مہربانی سے جیتیں گے۔

ہندوستھان سماچار

---------------

ہندوستان سماچار / انظر حسن