غازی آباد، 22 جنوری (ہ س)۔ سواٹ ٹیم ٹرانس ہنڈن زون اورتھانہ ٹیلہ موڑکی پولیس نے منگل کی علی الصبح ائیرپورٹ باونڈری کے قریب جنگل میں چوری کرنے کے مقصد سے گایوں کو باندھنے کی کوشش کر رہے تین گوکشوں کو ایک انکاو¿نٹر کے دوران گرفتار کیا ۔ اس دوران پولیس کے ذریعہ چلائی گئی گولی سے ایک شرپسند زخمی ہوگیا۔ زخمیوں کو علاج کے لیے اسپتال میں داخل کرایا گیا ہے، جن میں سے دو کا تعلق میرٹھ اور ایک کا تعلق فتح پور سے ہے۔ ملزمان کے قبضے سے ایک پستول، ایک کارتوس، ایک زندہ کارتوس، جانوروں کو باندھنے کی رسی، کاٹنے کا چاقو اور چھری برآمد ہوئی۔

اے سی پی شالیمار گارڈن سلونی اگروال نے بتایا کہ تھانہ ٹیلہ موڑ پولیس اور ٹرانس ہنڈن، سواٹ کی ٹیم مشترکہ طور پر فرخ نگر روڈ پر ٹیلہ موڑ تھانہ میں مطلوبہ ملزم پر چھاپہ مار کر واپس آرہی تھی کہ اطلاع ملی کہ ایک مشکوک ٹرک جنگل میں ائیرپورٹ کی طرف کھڑا ہے۔ جس میں کچھ لوگ رات کو گائے کو چوری کر لے جانے کی کوشش کر رہے ہیں۔ اطلاع ملنے پر جب پولیس پارٹی تلاشی کے ارادے سے چھپے ہوئے ٹرک کے قریب پہنچی تو دیکھا کہ تین -چار افراد جنگل میں بیٹھی گایوں کو باندھنے کی کوشش کر رہے ہیں۔ پولیس والوں نے انہیں روک دیا۔ اس کے بعد بدمعاشوں نے پولیس پر فائرنگ کردی۔

پولیس پارٹی نے اپنے دفاع میں فائرنگ کی جس سے ایک بدمعاش زخمی ہو کر نیچے گر گیا۔ موقع کا فائدہ اٹھاتے ہوئے دو بدمعاش بھاگنے لگے جنہیں پولیس پارٹی نے تعاقب کرتے ہوئے گھیر لیا اور پکڑ لیا۔

اس کا نام اور پتہ پوچھنے پر زخمی بدمعاش نے اپنا نام پرویز ساکن لکھی پورہ تھانہ لیساڑی گیٹ ضلع میرٹھ بتایا۔ اس نے پولیس کو بتایا کہ اس نے اپنے ساتھیوں کے ساتھ مل کر کاکا کے فارم ہاؤس کے پیچھے گائے ذبح کرنے کی واردات کو انجام دیا تھا۔پکڑے جانے کے خوف سے اس نے پولیس پارٹی پر فائرنگ کی تھی۔ دوسرے شخص نے اپنا نام مہتاب، ساکن شاہجہاں پور تھانہ، کٹھور ضلع، میرٹھ کے طور پر ظاہر کیا اور تیسرے شخص نے اپنا نام شمشیر ساکن محلہ توراولی کا پوروا تھانہ، جوالا گنج ضلع، فتح پور بتایا۔ برآمد ہونے والے ٹرک کے بارے میں پوچھنے پر ملزم نے بتایا کہ اس ٹرک سے ہم جنگل میں گھومنے والی گایوں اور بیلوں کو لادتے ہیں، باہر لے جا کر فروخت کرتے ہیں، شناخت چھپانے کے لیے اس ٹرک کا نمبر تبدیل کیا گیا ہے۔

ہندوستھان سماچار

ہندوستان سماچار / محمد شہزاد