عالمی بازار سے ملے جلے اشارے، ایشیا میں بھی ملا۔جلا کاروبار
نئی دہلی، 15 جنوری (ہ س)۔ عالمی بازار سے آج ملے جلے اشارے مل رہے ہیں۔ امریکی بازار گزشتہ سیشن کے دوران ملے جلے نتائج کے ساتھ بند ہوئے۔ ایسا لگتا ہے کہ ڈاو جونز فیوچرز فی الحال فائدہ کے ساتھ کاروبار کر رہا ہے۔ امریکی مارکیٹ کی طرح یورپی بازار بھی گزشتہ سیشن کے دوران ملے جلے نتائج کے ساتھ بند ہوئے۔ ایشیائی بازاروں میں بھی آج ملا جلا کاروبار ہو رہا ہے۔
امریکہ میں خوردہ افراط زر کے اعداد و شمار آج آنے والے ہیں۔ اس سے پہلے امریکی مارکیٹ میں آخری سیشن کے دوران سرمایہ کار محتاط انداز میں کاروبار کرتے نظر آئے۔ ایس اینڈ پی 500 انڈیکس 0.11 فیصد اضافے کے ساتھ 5,842.91 پوائنٹس پر بند ہوا۔ اس کے برعکس نیس ڈیک نے گزشتہ سیشن کا اختتام 0.34 فیصد کی کمی کے ساتھ کیا۔ ڈاو جانز فیوچرز آج فی الحال 0.14 فیصد اضافے کے ساتھ 42,578.23 پوائنٹس کی سطح پر کاروبار کرتا نظر آرہا ہے۔
گزشتہ سیشن کے کاروبار کے بعد یورپی بازار بھی ملے جلے نتائج کے ساتھ بند ہوئے۔ ایف ٹی ایس ای انڈیکس 0.28 فیصد کمی کے ساتھ 8,201.54 پوائنٹس پر بند ہوا۔ اس کے برعکس سی اے سی انڈیکس نے گزشتہ سیشن کی تجارت 0.20 فیصد اضافے کے ساتھ 7,423.67 پوائنٹس پر ختم کی۔ اس کے علاوہ ڈی اے ایکس انڈیکس 138.48 پوائنٹس یعنی 0.68 فیصد اضافے کے ساتھ 20,271.33 پوائنٹس کی سطح پر بند ہوا۔
ایشیائی بازاروں میں آج ملا جلا کاروبار ہوتا نظر آیا۔ ایشیا کی 9 مارکیٹوں میں سے 6 کے انڈیکس کمی کے ساتھ سرخ نشان میں کاروبار کر رہے ہیں، جبکہ 3 انڈیکس اضافے کے ساتھ سبز نشان میں برقرار ہیں۔ ہینگ سینگ انڈیکس 0.17 فیصد اضافے کے ساتھ 19,253.38 پوائنٹس کی سطح پر کاروبار کر رہا ہے۔ اسی طرح کوسپی انڈیکس 0.32 فیصد اضافے کے ساتھ 2505.46 پوائنٹس کی سطح پر پہنچ گیا ہے۔ اس کے علاوہ جکارتہ کمپوزٹ انڈیکس 0.66 فیصد کی مضبوطی کے ساتھ 7,002.62 پوائنٹس کی سطح پر تجارت کرتا ہوا نظر آرہا ہے۔
دوسری طرف گفٹ نفٹی 0.12 فیصد کی کمزوری کے ساتھ 23,237 پوائنٹس کی سطح پر کاروبار کر رہا ہے۔ اسی طرح نیکئی انڈیکس 0.08 فیصد گر کر 38,471.18 پوائنٹس کی سطح پر آ گیا ہے۔ اس کے علاوہ اسٹریٹس ٹائمز انڈیکس 0.48 فیصد گر کر 3,770.69 پوائنٹس کی سطح پر، تائیوان ویٹڈ انڈیکس 172.93 پوائنٹس یعنی 0.76 فیصد گر کر 22,624.59 پوائنٹس کی سطح پر، شنگھائی کمپوزٹ انڈیکس 0.25 فیصد گر کر 3,232.98 پوائنٹس کی سطح پر اور سیٹ کمپوزٹ انڈیکس 0.06 فیصد کی گراوٹ کے ساتھ 1,339.44 پوائنٹس کی سطح پر کاروبار کر رہے ہیں۔
ہندوستھان سماچار
--------------
ہندوستان سماچار / انظر حسن
