نئی دہلی، 15 جنوری (ہ س)۔ بدھ کی شام ہلکی بوندا باندی کی وجہ سے دہلی-این سی آر میں درجہ حرارت میں کمی آئی۔ اس سے پہلے بدھ کی صبح دہلی این سی آر میں گھنی دھند چھائی رہی جس کی وجہ سے کئی ٹرینیں اور پروازیں متاثر ہوئیں۔ معلومات کے مطابق تقریباً 300 پروازیں تاخیر کا شکار ہوئیں۔ بدھ کو کم سے کم اور زیادہ سے زیادہ درجہ حرارت بالترتیب 19 اور 9 ڈگری سینٹی گریڈ رہنے کا امکان ہے۔ جمعرات کو بھی ہلکی بوندا باندی کا امکان ہے۔

محکمہ موسمیات کے مطابق دہلی میں جمعرات کو بھی بارش ہو سکتی ہے۔ ویسٹرن ڈسٹربنس کی وجہ سے جمعرات کو بھی شمال مغربی اور ملحقہ وسطی ہندوستان میں بارش کا امکان ہے۔ 16 اور 17 جنوری کی رات اور صبح کے اوقات میں پنجاب کے بعض مقامات پر گھنے سے انتہائی گھنی دھند پڑنے کا امکان ہے۔ 16 جنوری کو رات اور صبح کے دوران اتر پردیش میں کچھ مقامات پر گھنے سے بہت گھنے دھند کا امکان ہے۔ 16 اور 17 جنوری کی رات اور صبح کے اوقات میں ہریانہ، چندی گڑھ کے الگ الگ مقامات پر گھنے سے بہت گھنے دھند کا امکان ہے۔

محکمہ موسمیات کی طرف سے جاری کردہ ایک پریس ریلیز میں کہا گیا ہے، جموں و کشمیر-لداخ-گلگت بلتستان-مظفر آباد، ہماچل پردیش، ہریانہ، چندی گڑھ ، دہلی اور سوراشٹر اور کچھ کے الگ الگ مقامات پر کم سے کم درجہ حرارت معمول سے کم (-1 ڈگری سیلسیس سے -3 ڈگری سیلسیس)۔ ) رہا۔

---------------

ہندوستان سماچار / عبدالسلام صدیقی