جموں، 15 جنوری (ہ س)۔

جموں و کشمیر حکومت نے عوامی صحت کی بہتری کے لیے اہم اقدامات کا آغاز کیا ہے، جس کے تحت جدید طبی سہولتیں فراہم کرنے کی کوششیں تیز کر دی گئی ہیں۔ وزیر صحت سکینہ مسعود نے بدھ کے روز اعلان کیا کہ ریاست بھر میں صحت کی سہولتوں کو بہتر بنانے کے لیے مختلف منصوبوں پر کام شروع کر دیا گیا ہے، جن میں نئی اسپتالوں کا قیام، طبی آلات کی فراہمی اور صحت کے نظام کو مزید فعال بنانا شامل ہے۔وزیر موصوف نے کہا کہ حکومت نے حالیہ برسوں میں صحت کے شعبے میں بڑی پیشرفت کی ہے اور آئندہ چند ماہ میں مزید نئے اسپتال اور صحت کے مراکز عوام کی خدمت میں ہوں گے۔ اس کے علاوہ، ریاست کے دور دراز علاقوں میں طبی سہولتیں پہنچانے کے لیے موبائل ہیلتھ یونٹس کا آغاز بھی کیا جائے گا۔

وزیر صحت نے کہا کہ نئے طبی منصوبوں کے تحت عوام کو بہتر اور فوری طبی سہولتیں فراہم کی جائیں گی، جس سے نہ صرف صحت کے مسائل کا فوری حل ممکن ہوگا بلکہ عوام کی زندگیوں کو بہتر بنایا جائے گا۔ انہوں نے مزید کہا کہ ریاست میں صحت کے شعبے میں ہونے والی ان تبدیلیوں کا مقصد عوام کی زندگی کی معیاری سطح کو بلند کرنا ہے، تاکہ ہر شہری کو بہترین صحت کی سہولت مل سکے۔اس اقدام سے نہ صرف ریاست کے عوام کو فائدہ پہنچے گا بلکہ یہ جموں و کشمیر کو صحت کے شعبے میں ملک بھر میں ایک ماڈل کے طور پر پیش کرے گا۔

ہندوستھان سماچار

---------------

ہندوستان سماچار / محمد اصغر