نئی دہلی، 10 جنوری (ہ س)۔

دہلی بی جے پی پوروانچل مورچہ کے کارکنوں نے جمعہ کو اشوک روڈ سے عام آدمی پارٹی (آپ) کے قومی کنوینر اروند کیجریوال کی رہائش گاہ تک پوروانچل سمان مارچ نکال کر مظاہرہ کیا۔ انہوں نے پوروانچل کے لوگوں کے خلاف مبینہ ریمارکس کے خلاف احتجاج کیا۔ مظاہرین کو قابو کرنے کے لیے پولیس نے واٹر کینن کا استعمال کیا اور انہیں حراست میں لے لیا۔ تاہم بعد میں انہیں رہا کر دیا گیا۔

این ڈی ایم سی کے رکن دنیش پرتاپ سنگھ اور پوروانچل مورچہ کے صدر سنتوش اوجھا کی قیادت میں ہونے والے اس مظاہرے میں لکشمی نگر کے بی جے پی ایم ایل اے ابھے ورما، میڈیا چیف پروین شنکر کپور، بی جے پی لیڈر سمیت بھسین، پوروانچل مورچہ کے شریک انچارج کوشل مشرا اور منیش سنگھ نے شرکت کی۔ مہیلا مورچہ ریچا پانڈے مشرا، یووا مورچہ کے صدر ساگر تیاگی، بی جے پی کے دفتر کے وزیر برجیش رائے، بی جے پی کے ترجمان شبھیندو شیکھر اوستھی، بی جے پی لیڈر یاسر جیلانی، مورچہ کے جنرل سکریٹری سنجے تیواری، وپن بہاری سنگھ اور پوروانچل کے ہزاروں باشندوں نے شرکت کی۔ مظاہرین نے مطالبہ کیا کہ کیجریوال پوروانچل کمیونٹی کے لئے کہے گئے الفاظ کو واپس لیں اور سب سے معافی مانگیں۔

مظاہرین نے 5 فیروز شاہ روڈ پر کیجریوال کی رہائش گاہ کی طرف بڑھتے ہوئے پولس کی طرف سے لگائی گئی رکاوٹوں کو عبور کرنے کی کوشش کی، جس کے بعد پولیس نے ان پر واٹر کینن چلا کر انہیں روکا اور مظاہرین کو مندر مارگ پولس تھانے کی تحویل میں لے لیا گیا۔ ایم پی منوج تیواری مظاہرین سے ملنے گئے اور کچھ دیر بعد پولیس نے مظاہرین کو ہدایات دے کر چھوڑ دیا۔

منوج تیواری نے مندر مارگ پولیس اسٹیشن کے باہر صحافیوں سے بات کرتے ہوئے کہا کہ دہلی میں اروند کیجریوال کو نہ صرف پوروانچل کے لوگوں کی بلکہ آٹو ڈرائیوروں، کچی آبادیوں کے رہنے والوں اور ان تمام کاریگروں کی بھی مدد کرنی چاہیے جو روزگار کے لیے دہلی میں رہتے ہیں۔ انہوں نے کہا کہ سنجے سنگھ، جو خود پوروانچل کے رہنے والے ہیں، اپنے لیڈر سے پوچھیں کہ کیا وہ دوغلاہیں، کیونکہ کیجریوال پوروانچل کے تمام باشندوں کو دو غلا کہہ رہے ہیں۔

دہلی بی جے پی پوروانچل مورچہ کے صدر سنتوش اوجھا نے کہا کہ کجریوال نے پوروانچل سماج کو صرف ووٹ بینک سمجھا ہے اور پچھلے دس سالوں سے صرف ووٹ لے کر انہیں دھوکہ دینے کا کام کیا ہے۔ کیجریوال نے ہمیشہ پوروانچل کے لوگوں کو روہنگیا اور بنگلہ دیشیوں کو آباد کرکے ذلیل کرنے کی کوشش کی۔ ابھے ورما نے کہا کہ کیجریوال نے سماج کے ساتھ مذاق کر نے کا کام کیا ہے۔ اگر پوروانچل سماج آج رک گیا تو دہلی نہیں بچے گی۔ ریچا پانڈے مشرا نے کہا کہ کیجریوال کی نیت اور نیتیمیں بہت فرق ہے۔ کجریوال پوروانچل مخالف ہیں اور یہ بات ان کے ہر بیان میں صاف نظر آتی ہے۔ ساگر تیاگی نے کہا کہ دہلی کے لوگوں نے اب کیجریوال کو اقتدار سے ہٹانے کا ارادہ کر لیا ہے۔

ہندوستھان سماچار

ہندوستان سماچار / عطاءاللہ