جھانسی، 16 ستمبر (ہ س)۔

کانگریس ایس سی-ایس ٹی ریزرویشن مخالف ہے۔ وہ جھوٹ پھیلا کر اور گمراہ کن پروپیگنڈہ کرکے الیکشن جیتنا چاہتی ہے۔ بی جے پی کے شیڈولڈ فرنٹ کے قومی صدر لال سنگھ آریہ نے پیر کو سرکٹ ہاو¿س میں پریس کانفرنس کے دوران یہ بات کہی۔

اخباری نمائندوں سے بات کرتے ہوئے انہوں نے کہا کہ پارلیمنٹ میں قائد حزب اختلاف راہل گاندھی نے چار دن پہلے امریکہ میں کہا تھا کہ کانگریس کی حکومت بنتے ہی ہم ایس سی-ایس ٹی کے ریزرویشن کو ختم کردیں گے۔ اس سے یہ واضح ہوگیا کہ کانگریس عوام کو بھڑکا رہی ہے۔ لوک سبھا انتخابات میں کہا کرتی تھی کہ بی جے پی ریزرویشن ختم کر رہی ہے۔ لیکن وہ خود امریکہ میں ایس سی ایس ٹی ریزرویشن ختم کرنے کی بات کر رہے ہیں۔ پچھلی کانگریس حکومتوں میں ریزرویشن کو ختم کرنے کے معاملات کا ذکر کرتے ہوئے انہوں نے کہا کہ کانگریس ایس سی-ایس ٹی، او بی سی اور دلت مخالف ہے۔

انہوں نے کہا کہ راہل ہی نہیں ہریانہ کے بھوپیندر سنگھ نے بھی ریزرویشن ختم کرنے کے لئے امریکہ میں دیئے گئے راہل کے بیان کی حمایت کی۔ انہوں نے کہا کہ جب تک بی جے پی ہے ریزرویشن ختم نہیں ہونے دیا جائے گا۔

ہندوستھان سماچار

ہندوستان سماچار / عطاءاللہ