بنگال کے راناگھاٹ میں تاجر اور ڈرائیور کا فلمی انداز میں چاقو مار کر قتل

کولکاتا، 25 جولائی (ہ س)۔ مغربی بنگال کے ندیہ ضلع کے رانا گھاٹ میں ایک تاجر اور اس کے ڈرائیور کو چاقو مار کر قتل کر دیا گیا۔ دونوں کو فلمی انداز میں قتل کیا گیا ہے۔ جمعرات کو پیش آنے والے اس واقعے کے بعد جمعہ کی صبح ایک پولیس افسر نے بتایا کہ ان دونوں کو ایک ہی وقت میں قتل کیا گیا ہے۔ قتل کی وجہ کیا ہے؟ یہ ابھی تک واضح نہیں ہے۔

پولیس افسر کے مطابق یہ واقعہ ضلع کے راناگھاٹ قصبے میں پیش آیا۔ تاجر سمن چکرورتی اور ان کے ڈرائیور کی لاشیں انولیا علاقے میں ایک زیر تعمیر عمارت سے برآمد ہوئی ہیں۔ ان کے جسم پر تیز دھار ہتھیاروں سے حملے کے نشانات ہیں۔

تاجر کے اہل خانہ نے پولیس کو بتایا کہ سمن چکرورتی دوپہر میں کسی سے ملنے انولیا علاقے میں گئے تھے۔ بعد ازاں اہل خانہ کا ان سے رابطہ نہیں ہو سکا۔ اہل خانہ نے پولیس کو یہ بھی بتایا کہ انہیں کسی کاروباری دشمنی یا تاوان کے مطالبے کا علم نہیں ہے۔

پولیس معاملے کی جانچ کر رہی ہے اور واقعے کی وجوہات جاننے کی کوشش کر رہی ہے۔ دعویٰ کیا جا رہا ہے کہ قتل رقم کے لین دین کی وجہ سے ہوا ہے۔ ان کا موبائل فون ضبط کرکے کال ریکارڈ کی چھان بین کی جا رہی ہے اور ٹاور لوکیشن کی بنیاد پر قریبی مجرموں کی شناخت کی کوشش کی جا رہی ہے۔ سی سی ٹی وی فوٹیج کی بھی جانچ کی جا رہی ہے۔

ہندوستھان سماچار

ہندوستان سماچار

ہندوستان سماچار / انظر حسن / محمد شہزاد