بدنام زمانہ لینڈ مافیا گولا شاہ کے گھر کی تلاشی

جموں، 6 مئی (ہ س)۔ جموں و کشمیر پولیس نے جموں کے بدنام زمانہ لینڈ مافیا رویندر گپتا عرف گولا شاہ کے گھر کی تلاشی جاری رکھی ہے۔ پولیس کے ترجمان نے بتایا کہ پولیس اسٹیشن گنگیال کی ایف آئی آر نمبر 39/2024 کے حوالے سے موصول ہونے والے عدالتی حکم کے مطابق گولا شاہ کی رہائش گاہ پر تلاشی لی گئی۔

انہوں نے بتایا کہ تلاشی ٹیم کی قیادت انچارج اسپیشل انویسٹی گیشن ٹیم (ایس آئی ٹی) ایس ڈی پی او سٹی ساؤتھ کر رہے تھے۔ پولیس کی طرف سے یہ تلاشیں زمینی تنازعہ سے متعلق مواد اور دستاویزی ثبوتوں کے لیے کی جا رہی ہیں۔ اس تنازعہ میں شاہ نے حال ہی میں گریٹر کیلاش علاقے میں ایک 39 سالہ شخص کی جان لے لی تھی۔

ہندوستھان سماچار

/شہزاد