نئی دہلی، 26 اپریل (ہ س)۔ سپریم کورٹ کے چیف جسٹس ڈی وائی چندرچوڑ کی سربراہی والی بنچ نے جمعہ کو ایک درخواست پر سماعت کی جس میں سورت میں بلا مقابلہ انتخابات جیتنے کی صورت حال سے بچنے کے لیے نوٹا (نن آف دی ابو) کو امیدوار کے طور پر ماننے کی درخواست کی گئی تھی۔ جس کے بعد عدالت نے الیکشن کمیشن کو نوٹس جاری کر دیا ہے۔

یہ عرضی شیو کھیڑا نے دائر کی ہے۔ درخواست گزار کی طرف سے پیش ہونے والے وکیل گوپال شنکر نارائن نے کہا کہ نوٹا کو امیدوار سمجھا جانا چاہئے اور اگر نوٹا کو جیتنے والے امیدوار سے زیادہ ووٹ ملتے ہیں تو وہاں دوبارہ انتخابات کرائے جائیں۔ سماعت کے دوران سورت لوک سبھا سیٹ پر بلا مقابلہ جیت کا ذکر تھا۔ درخواست گزار کی جانب سے کہا گیا کہ اگر نوٹا کو امیدوار بنانے کا نظام ہوتا تو بلامقابلہ الیکشن جیتنے کا موقع نہیں ملتا۔ ابھی تک نوٹا کو ملنے والے ووٹوں کی کوئی اہمیت نہیں ہے۔

ہندوستھان سماچار/ عبد الواحد