گوگل نے ووٹر فنگر ڈوڈل کے ذریعے ووٹروں کو ووٹ دینے کے لیے کیا راغب

نئی دہلی، 26 اپریل (ہ س)۔ لوک سبھا انتخابات کے دوسرے مرحلے کے لیے ملک کی 13 ریاستوں میں 88 سیٹوں پر ووٹنگ ہو رہی ہے۔ انٹرنیٹ سرچ انجن گوگل نے جمعہ کو دوسرے مرحلے کے لیے ووٹروں کو ووٹر فنگر ڈوڈل کے ذریعے ووٹنگ کے لیے راغب کیا ہے۔ گوگل کے اس ڈوڈل میں ووٹنگ کے بعد ہاتھ کی شہادت کی انگلی پر لگائی جانے والی سیاہی کو دکھایا گیا ہے۔

گوگل نے 18ویں لوک سبھا 2024 کے انتخابات کے پہلے مرحلے میں ووٹنگ کے نشان کے ساتھ ایک ڈوڈل بنایا تھا۔ گوگل نے ایک بار پھر وہی ڈوڈل ووٹروں کے نام کیا ہے۔

لوک سبھا 2024 کی ووٹنگ میں ووٹر جوش و خروش سے حصہ لے رہے ہیں۔ دوسرے مرحلے کے لیے آج صبح 7 بجے سے 12 ریاستوں اور ایک مرکز کے زیر اقتدار صوبہ کی 88 سیٹوں کے لیے ووٹنگ ہو رہی ہے۔ دوسرے مرحلے کی ووٹنگ کے لیے کل 1202 امیدوار میدان میں ہیں۔

ہندوستھان سماچار

/شہزاد