بارامتی، 26 اپریل (ہ س)۔

مہاراشٹر کے نائب وزیر اعلیٰ اجیت پوار نے بارامتی لوک سبھا میں گرینڈ الائنس کی امیدوار سنیترا پوار کو ووٹ دینے کی اپیل کرتے ہوئے کہا کہ یہ لوک سبھا الیکشن ایک ایسا انتخاب ہے جو ملک کو ایک مختلف سمت لیجانے والا انتخاب ہے ۔ اس لیے نائب وزیر اعلیٰ اجیت پوار نے بارامتی لوک سبھا میں گرینڈ الائنس کی امیدوار سنیترا پوار ووٹ دینے کی اپیل انھوں نے کی۔ اجیت پوار بارامتی لوک سبھا حلقہ کے لئے عظیم اتحاد کی امیدوار سنیترا پوار کی تشہیر کے لئے داؤنڈ تعلقہ کے کیڈگاؤں چوفولا میں منعقدہ بی جے پی کارکنوں اور عہدیداروں کے ایک اجتماع سے خطاب کر رہے تھے۔

اجیت پوار نے مزید کہا کہ وزیر اعظم نریندر مودی نے ملک کی ہمہ جہت ترقی کے مقصد سے پچھلے دس سالوں سے ایک تحریک شروع کی ہے اور ہم سب بارامتی لوک سبھا سے مودی کی مدد کے لیے گرینڈ الائنس کے امیدوار کو دہلی بھیجنا چاہتے ہیں۔ مودی ہندوستان کی معیشت کو عالمی سطح پر بلند کرنے کی کوشش کر رہے ہیں۔ وزیر اعظم مودی نے جموں و کشمیر کے علاقے سے آرٹیکل 370 کو ہٹانے، رام مندر کی تعمیر جیسے جرات مندانہ فیصلے لئے ہیں، لہذا این سی پی نے عظیم اتحاد کے ساتھ جانے کا فیصلہ کیا۔ انہوں نے بی جے پی کے ساتھ جانے والے نتیش کمار اور ممتا بنرجی کی مثال دیتے ہوئے کہا کہ سیاست میں کوئی کسی کا مستقل دشمن نہیں ہے۔

اجیت پوار نے کہا کہ جب گھر کا فرد بوڑھا ہو جائے تو معاملات نوجوانوں کو سونپ دینے چاہئے۔آج تک شرد پوار کے تمام فیصلوں میں میں شرد پوار کے ساتھ رہا ہوں، ساتھ ہی اجیت پوار نے شرد پوار کو یاد دلایا کہ میری شادی کے چالیس سال بعد بھی وہ سنیترا پوار کو پوار ماننے کو تیار نہیں ہیں۔ اس بار اجیت پوار نے سپریا سولے پر بھی کڑی تنقید کی۔ انہوں نے داؤنڈ کے ایم ایل اے راہول کل کے کام کی تعریف کرتے ہوئے کہا کہ انتخابات کے بعد بیرون ملک جانے والوں کو ووٹ دینے کے بجائے ہمیشہ عوام میں رہنے والوں کو ووٹ دیں، اور اس امیدوار کو بھی جتوائیں جو لوک سبھا حلقہ کی ترقی کرے۔

ہندوستان سماچار/ نثار

/عطاءاللہ