نئی دہلی ، 25 اپریل (ہ س)۔
بھارت نے ایرانی حکام کے ساتھ پاکستان کے مشترکہ بیان میں کشمیر کا ذکر کرنے کا معاملہ اٹھایا ہے۔وزارت خارجہ (ایم ای اے) کے ترجمان رندھیر جیسوال نے جمعرات کو ہفتہ وار میڈیا بریفنگ میں کہا کہ ایرانی صدر ابراہیم رئیسی کے دورہ پاکستان کے اختتام پر جاری مشترکہ بیان میں مسئلہ کشمیر کا ذکر کیے جانے کے بعد ہندوستان نے یہ معاملہ ایرانی حکام کے سامنے اٹھایا۔ ہے ترجمان سے پوچھا گیا کہ وزارت خارجہ مسئلہ کشمیر پر مشترکہ بیان کو کس نظر سے دیکھتی ہے۔
واضح رہے کہ ایرانی صدر ابراہیم رئیسی نے وزیراعظم شہباز شریف کی دعوت پر 22 سے 24 اپریل تک پاکستان کا سرکاری دورہ کیا تھا۔ دورے کے بعد دونوں ممالک کی جانب سے جاری مشترکہ بیان میں کہا گیا کہ پاکستان اور ایران نے اس بات پر اتفاق کیا کہ مسئلہ کشمیر کو خطے کے عوام کی خواہشات کی بنیاد پر پرامن طریقے سے حل کیا جانا چاہیے۔
ہندوستھان سماچار
