۔ ہندوستانی بحریہ نے 60 ہزار کروڑ روپئے کا ٹینڈر جاری کیا

- لارسن اینڈ ٹوبرو ان آبدوزوں کو مزگاوں ڈاکیارڈ لمیٹڈ میں بنائے گا

نئی دہلی، 5 مئی (ہ س) ہندوستانی بحریہ کے لیے چھ انتہائی جدید آبدوزیں ہندوستان میں جرمن آبدوز بنانے والی کمپنی تھسین کروپ مرین سسٹم کے تعاون سے بنائی جائیں گی۔ ہندوستانی بحریہ 2020 سے چھ آبدوزوں کے لیے غیر ملکی شراکت دار کی تلاش میں تھی۔ اب ان چھ آبدوزوں کی تعمیر کو بھارتی شپ یارڈمزگاوں ڈاکیارڈ لمیٹڈ میں لارسن اینڈ ٹوبرو کے اشتراک سے حتمی شکل دے دی گئی ہے۔ بحریہ نے 60 ہزار کروڑ روپئے کا ٹینڈر جاری کرکے آبدوزوں کی تیاری کے لئے ٹرائل شروع کر دیا ہے۔

روایتی آبدوزوں کے بیڑے کو جدید بنانے کی سمت کام کرنے والی ہندوستانی بحریہ نے ہندوستانی شپ یارڈ مزگاوں ڈاکیارڈ لمیٹڈ اور لارسن اینڈ ٹوبرو کو غیر ملکی دکانداروں کے ساتھ ہندوستانی شراکت میں چھ آبدوزیں بنانے کے لیے ٹینڈر جاری کیا ہے۔ جرمن کمپنی ٹینڈر کے لیے ہندوستانی وزارت دفاع کے شپ یارڈ مزگاوں ڈاکیارڈ لمیٹڈ کے ساتھ شراکت داری کر رہی ہے۔ یہ عمل اس سال مارچ میں شروع ہوا، جب ایک بحری ٹیم نے جرمن ایئر انڈیپنڈنٹ پروپلشن سسٹم کو دیکھنے کے لیے جرمنی کا دورہ کیا۔

دراصل، ہندوستان میں بنائی گئی آبدوزوں میں ایئر انڈیپنڈنٹ پروپلشن سسٹم (اے آئی پی) کی خصوصیت ہوگی، جو انہیں زیادہ دیر تک پانی کے اندر رہنے کی صلاحیت فراہم کرے گی۔ جرمن آبدوزوں کی تعمیر ایم ڈی ایل کے لیے کوئی نئی بات نہیں ہے۔ اس سے پہلے بھی ہندوستان نے جرمن ایچ ڈی ڈبلیو کے ساتھ چار آبدوزوں کا معاہدہ کیا تھا، جن میں سے دو ایم ڈی ایل نے بنائی تھیں۔

ہندوستھان سماچار/ عبد الواحد