وزیر اعظم مودی آج مہاراشٹرا اور کرناٹک میں چار مقامات پر بی جے پی کے عوامی جلسوں سے کریں گے خطاب

نئی دہلی، 20 اپریل (ہ س)۔ بھارتیہ جنتا پارٹی (بی جے پی) کے سرکردہ رہنما اور وزیر اعظم نریندر مودی عام انتخابات کے پہلے مرحلے کی ووٹنگ کے بعد آج مہاراشٹرا اور کرناٹک میں پارٹی کے عوامی جلسوں سے خطاب کریں گے۔ بی جے پی نے آج اپنے ایکس ہینڈل پر وزیر اعظم نریندر مودی کے انتخابی دورے کی تفصیلات شیئر کی ہیں۔

بی جے پی کے ایکس ہینڈل کے مطابق وزیر اعظم مودی آج اپنے انتخابی دورے پر سب سے پہلے مہاراشٹر پہنچیں گے۔ وہ صبح 10:30 بجے ناندیڑ میں بی جے پی کے جلسہ عام سے خطاب کریں گے۔ اس کے بعد وہ 12.15 بجے پربھنی میں ہوں گے۔ وزیر اعظم مودی یہاں بی جے پی کی انتخابی جلسہ سے خطاب کریں گے۔ وزیر اعظم مودی 400 پار کے اپنے عہد کے ساتھ لوک سبھا انتخابات میں دھواںدھار مہم چلا رہے ہیں۔

بی جے پی کے اس پوسٹ کے مطابق وزیر اعظم مودی مہاراشٹر کا دورہ کرنے کے بعد کرناٹک پہنچیں گے۔ وہ دوپہر بعد پونے چار بجے کرناٹک کے چکبلا پورہ میں بھارتیہ جنتا پارٹی کے جلسہ عام سے خطاب کریں گے۔ اس کے بعد وہ شام کو بنگلورو نارتھ میں ہوں گے۔ وزیر اعظم یہاں بھارتیہ جنتا پارٹی کے جلسہ عام سے خطاب کریں گے۔ بنگلورو بیورو کے مطابق وزیر اعظم مودی کے دورہ کرناٹک کے پیش نظر بنگلورو ٹریفک پولیس نے کرشنا وہار، پیلس گراونڈ اور ایچ کیو ٹی سی ہیلی پیڈ پر ایک کلومیٹر کے دائرے میں ایک عارضی نو فلائی زون کا اعلان کیا ہے۔

ہندوستھان سماچار

/شہزاد