نئی دہلی، 02 مئی (ہ س)۔

ای ڈی نے موزر بیئر سے متعلق منی لانڈرنگ کیس میں نچلی عدالت سے نتن بھٹناگر کو دی گئی ضمانت کو دہلی ہائی کورٹ میں چیلنج کیا ہے۔ ای ڈی کی درخواست پر ہائی کورٹ نے نتن بھٹناگر کو نوٹس جاری کیا ہے۔ جسٹس نوین چاولہ کی بنچ نے کیس کی اگلی سماعت 24 جولائی کو کرنے کا حکم دیا۔

سماعت کے دوران ای ڈی کی طرف سے پیش ہوئے وکیل زوہیب حسین نے کہا کہ نتن بھٹناگر نے ٹرائل کورٹ میں درخواست دائر کی ہے جس میں بیرون ملک جانے کی اجازت مانگی گئی ہے، اس پر سماعت روک دی جائے۔ اس پر عدالت نے کہا کہ ٹرائل کورٹ قانون کے مطابق سماعت کے بعد فیصلہ دے سکتی ہے۔ ہائی کورٹ نے نتن بھٹناگر کو ہدایت دی کہ اگر انہیں ٹرائل کورٹ سے بیرون ملک جانے کی اجازت مل جاتی ہے تو وہ ملک چھوڑنے سے پہلے ہائی کورٹ کو مطلع کریں گے۔

ای ڈی نے 22 اگست 2023 کو نتن بھٹناگر کو گرفتار کیا تھا۔ ای ڈی نے 17 اکتوبر 2019 کو چارج شیٹ داخل کی تھی۔ چارج شیٹ میں موزر بیئر کمپنی کو بھی ملزم بنایا گیا تھا۔ چارج شیٹ میں کہا گیا کہ Moser Baer کی دو کمپنیوں نے فرضی دستاویزات کی بنیاد پر سینٹرل بینک آف انڈیا سے 354 کروڑ روپے کا قرض لیا۔

ہندوستھان سماچار