دہلی کے خلاف شاندار اننگز کھیلنے کے بعد ریان پراگ نے کہا- پچھلے تین دنوں سے بستر پر تھا

جے پور، 29 مارچ (ہ س)۔ راجستھان رائلز کے آل راونڈر ریان پراگ، جنہوں نے گھریلو ٹیم کو دہلی کیپٹلز کے خلاف 12 رن سے فتح سے ہمکنار کیا، نے کہا کہ وہ میچ سے پہلے بیمار محسوس کر رہے تھے اور میدان میں اترنے سے پہلے انہیں درد کش ادویات لینا پڑیں۔

راجستھان نے سوائی مان سنگھ اسٹیڈیم میں دہلی کیپٹلس پر 12 رن کی جیت کے ساتھ گھریلو ٹیم کے فاتح ہونے کا سلسلہ جاری رکھا۔

جمعرات کی شب کھیلے گئے میچ میں پہلے بلے بازی کرنے اتری راجستھان کی ٹیم 7.2 اوور کے بعد 36 رن پر 3 وکٹیں گنوانے کے بعد جدوجہد کر رہی تھی، حالانکہ پراگ بلے بازی کرنے آئے اور 45 گیندوں میں 84 رنوں کی ناٹ آوٹ اننگز کھیل کر اپنی ٹیم کو 20 اوورز میں 5 وکٹوں پر 185 رنوں کے کل اسکور تک پہنچا دیا۔

پراگ نے میچ کے بعد کہا، ’’میں نے سخت محنت کی ہے، پچھلے تین دنوں سے میں بستر پر تھا، میں درد کش ادویات لے رہا تھا، میں آج ہی اٹھا ہوں اور میں بہت خوش ہوں۔‘‘

آل راونڈر نے آئی پی ایل 2024 کی شاندار شروعات کی ہے اور راجستھان کی لائن اپ میں چوتھے نمبر پر بلے بازی کرتے ہوئے ایک متعین کردار سے فائدہ اٹھا رہے ہیں۔ انہوں نے آئی پی ایل 2024 کے شاندار آغاز کا سہرا اپنی گھریلو فارم کو دیا۔

انہوں نے کہا، ’’میں جانتا ہوں کہ میں اپنے بارے میں کیا سوچتا ہوں۔ میرا گھریلو سیزن بہت اچھا رہا اور اس سے مدد ملی۔ اس میں سے کوئی ٹاپ فور کو 20 اوورز کھیلنے ہیں، وکٹیں کم رہ رہی تھیں اور رک رہی تھیں، پہلے گیم میں سنجو بھیا نے ایسا کیا تھا۔‘‘

آپ کو بتاتے چلیں کہ راجستھان کی ہوم گراونڈ پر نو میچوں میں یہ مسلسل نویں جیت ہے۔

میچ کی بات کریں تو اس میچ میں دہلی کیپٹلس کے کپتان رشبھ پنت نے ٹاس جیت کر پہلے گیند بازی کرنے کا فیصلہ کیا۔ ایک وقت راجستھان کی ٹیم صرف 36 رن پر یشسوی جیسوال (05)، جوس بٹلر (11) اور کپتان سنجو سیمسن (15) کی وکٹیں گنوا کر جد وجہد کر رہی تھی، یہاں سے پراگ (84 ناٹ آوٹ) نے روی چندرن اشون (29) دھروو جوریل (20) اور شمرون ہیٹمائر (14 ناٹ آؤٹ) کے ساتھ مل کر راجستھان کو 20 اوور میں 5 وکٹوں کے نقصان پر 185 رنوں تک پہنچا دیا۔

ہندوستھان سماچار

/شہزاد