سری لنکا کے خلاف دوسرے ٹیسٹ کا حصہ نہیں ہوں گے بنگلہ دیش کے ہیڈ کوچ ہتھورو سنگھے

۔ ہتھورو سنگھے کی جگہ لیں گے اسسٹنٹ کوچ نک پوتھاس

چٹوگرام، 28 مارچ (ہ س)۔ بنگلہ دیش کرکٹ بورڈ (بی سی بی) نے بدھ کے روز تصدیق کی کہ ہیڈ کوچ چنڈیکا ہتھورو سنگھے سری لنکا کے خلاف آخری ٹیسٹ میچ کا حصہ نہیں ہوں گے کیونکہ وہ ذاتی وجوہات کی وجہ سے وطن واپس جائیں گے۔

ای ایس پی این کرک انفو کے مطابق اسسٹنٹ کوچ نک پوتھاس دوسرے ٹیسٹ میں ہتھورو سنگھے کی جگہ لیں گے۔

جنوبی افریقی کرکٹر پوتھاس نے گزشتہ سال اپریل میں بنگلہ دیش ٹیم کو جوائن کیا تھا۔ اس سے قبل وہ ویسٹ انڈیز اور سری لنکا کے عبوری ہیڈ کوچ کے طور پر خدمات انجام دے چکے ہیں۔ دوسری جانب ہتھورو سنگھے فروری 2023 میں دوسری بار بنگلہ دیش کے ہیڈ کوچ بنے۔

دوسرے ٹیسٹ میچ سے قبل بی سی بی نے تصدیق کی کہ شکیب الحسن ایک سال کے وقفے کے بعد ٹیسٹ ٹیم میں واپس آئیں گے۔ بائیں ہاتھ کے بلے باز نے بنگلہ دیش کے لیے آخری ٹیسٹ اپریل 2023 میں میرپور میں آئرلینڈ کے خلاف کھیلا تھا۔ وہ ٹیم میں توحید ہردوئے کی جگہ لیں گے۔

آپ کو بتاتے چلیں کہ سری لنکا کے خلاف پہلے ٹیسٹ میچ میں میزبان ٹیم کو سلہٹ میں 328 رنوں کی بڑی شکست ملی تھی۔

جیت کے بعد سری لنکا تین میچوں میں 12 پوائنٹس اور 33.33 پوائنٹس کے ساتھ، جنوبی افریقہ (25 فیصد) اور انگلینڈ (17.50 فیصد) سے آگے ہے۔ سری لنکن ٹیم ورلڈ ٹیسٹ چیمپئن شپ رینکنگ میں چھٹے نمبر پر بنگلہ دیش کے ساتھ ہے۔

بنگلہ دیش اور سری لنکا کے پوائنٹس (12) اور پوائنٹس فیصد (33.33) برابر ہے۔ پہلے ٹیسٹ کے نتیجے میں فتح سے ٹیبل میں کئی تبدیلیاں دیکھنے میں آئیں، ویسٹ انڈیز سری لنکا اور بنگلہ دیش کے برابر پوائنٹس فیصد کے ساتھ پانچویں نمبر پر چلا گیا۔ پاکستان 36.66 پوائنٹس فیصد اور 22 پوائنٹس کے ساتھ چوتھے نمبر پر ہے۔

ہندوستھان سماچار

/شہزاد