کولکاتا، 27 اپریل (ہ س)۔ کولکاتا نائٹ رائیڈرز (کے کے آر) کے کپتان شریس ایر نے کہا کہ پنجاب کنگز (پی بی کے ایس) کے خلاف 261 رنوں کے بڑے اسکور کا دفاع نہیں کر پانا افسوسناک ہے، لیکن یہ شکست کھلاڑیوں کے لیے ان کی آنے والی انڈین پریمیئر لیگ (آئی پی ایل) کے میچوں میں ایک بڑا سبق ہوگا۔

کے کے آر اور پی بی کے ایس کے درمیان میچ نے کئی ریکارڈ توڑ دیے، جس میں پنجاب نے ٹی- 20 کی تاریخ میں سب سے زیادہ 261 رنوں کے ہدف کو عبور کرنے میں کامیابی حاصل کی۔

ایر نے اپنے سلامی بلے بازوں فلپ سالٹ اور سنیل نارائن کی تعریف کی جنہوں نے 20 اوورز میں 6 وکٹوں کے نقصان پر 261 رنوں کا بڑا ہدف مقرر کرنے میں مدد کی۔ انہوں نے کہا کہ بلے بازوں نے جس طرح سے بلے بازی کی وہ زبردست تھی۔‘‘

نارائن اور سالٹ کے درمیان 138 رنوں کی شراکت آئی پی ایل میں کے کے آر کے لیے 8ویں 100 سے زائد کی اوپننگ شراکت تھی۔

سالٹ نے 37 گیندوں میں 75 رنوں کی دھماکہ خیز اننگز کھیلی جبکہ نارائن نے 32 گیندوں میں 71 رنوں کی شاندار اننگز کھیلی جس میں شریس ایر نے 28 رنوں کی شاندار اننگز کھیلی جبکہ وینکٹیش ایر نے 39 رنوں کی جاندار اننگز کھیل کر کے کے آر کو ایک مضبوط اسکور تک پہنچایا۔

کے کے آر کے کپتان نے یہ بھی کہا کہ وہ پی بی کے ایس کے خلاف ان کی کارکردگی کا تجزیہ کریں گے اور پتہ لگائیں گے کہ ایڈن گارڈنز میں ان کے لیے کیا غلط ہوا۔

میچ کی بات کریں تو اس میچ میں پہلے بلے بازی کرتے ہوئے کے کے آر کی ٹیم نے مقررہ 20 اوورز میں 6 وکٹوں کے نقصان پر 261 رن بنائے، فل سالٹ (75)، سنیل نارائن (71) نے نصف سنچریاں اسکور کیں تو اس کے بعد ویکٹیش ایر (39) آندرے رسل (24) اور کپتان شریس ایر (28) نے دھماکے دار اننگز کھیل کر کے کے آر کو 250 کے پار پہنچایا۔

جواب میں پنجاب نے جونی بیرسٹو (ناٹ آوٹ 108) کی سنچری اور پربھسمرن سنگھ (54)، ریلے روزوف (26) اور ششانک سنگھ (68 ناٹ آوٹ) کی دھماکہ خیز اننگز کی بدولت ہدف 18.4 اوورز میں حاصل کر لیا۔

کے کے آر کا اگلا مقابلہ پیر کو ایڈن گارڈنز میں دہلی کیپٹلس (ڈی سی) سے ہوگا۔

ہندوستھان سماچار/