کاٹھمنڈو ، 22 دسمبر (ہ س)۔

کوآپریٹو بینک گھوٹالہ ، دھوکہ دہی ، جعلسازی اور منی لانڈرنگ کے الزامات کے تحت سابق نائب وزیر اعظم روی لامچھانے اور ان کی اہلیہ نکیتا پاڈیل کی جائیداد ضبط کرنے کے لیے اتوار کو عدالت میں ایک درخواست دائر کی گئی ہے۔ سنٹرل بیورو آف انویسٹی گیشن (سی آئی بی) نے دلیل دی ہے کہ روی لامچھانے اور دیگر ملزمان کے خلاف تقریباً 150 کروڑ روپے کا جرمانہ عائد کیا گیا ہے ، اس لیے تمام ملزمان اور ان کے اہل خانہ کی جائیداد کو ضبط کیا جانا چاہئے۔ پوکھرا ڈسٹرکٹ کورٹ میں سابق نائب وزیر اعظم روی لامچھانے کے خلاف چارج شیٹ داخل کرتے ہوئے، سی آئی بی نے روی اور اس کی بیوی نکیتا کی جائیداد ضبط کرنے کے لیے درخواست دی ہے۔ پولیس نے روی لامیچھانے کے تمام بینک اکاو¿نٹس اور منقولہ اور غیر منقولہ جائیدادیں پہلے ہی منجمد کر دی ہیں۔ اتوار کے روز، عدالت میں لامیچھانے کے بینک اکاونٹ کو منجمد کرنے اور ان کی منقولہ اور غیر منقولہ جائیداد کو منجمد کرنے کا مطالبہ کیا گیا تھا کیونکہ ان کی بیوی کے بینک اکاو¿نٹ میں غیر معمولی لین دین دیکھے جا رہے تھے۔

ہندوستھان سماچار

ہندوستان سماچار / Mohammad Khan