بانسواڑہ، 21 دسمبر (ہ س)۔ ممبئی سے چرائے گئے 1.5 کروڑ روپے کے ہیروں کے ساتھ تین افراد کو بانسواڑہ پولیس نے راجستھان-گجرات سرحد پر گرفتار کیا ہے۔ گڑھی تھانہ علاقے میں کی گئی اس کارروائی میں پولیس نے بس کی تلاشی لی اور تینوں ملزمان کو حراست میں لے لیا۔ ان کے پاس سے 220.35 کیریٹ مالیت کے ہیرے اور 77,370 روپے نقد برآمد ہوئے۔ پولیس کا کہنا ہے کہ ملزمان چوری شدہ ہیرے گجرات لے جانے کا منصوبہ بنا رہے تھے۔

گڑھی تھانے کے سی آئی روہت کمار سنگھ کے مطابق جمعہ کی رات ہیڈ کانسٹیبل مہیپال سنگھ کو ایک مخبر سے اطلاع ملی کہ تین نوجوان چوری شدہ ہیرے لے کر بس سے گزر رہے ہیں۔ اطلاع کے مطابق راجستھان-گجرات سرحد پر ناکہ بندی کر دی گئی۔ اس دوران چامنڈا ٹراویلس کی ایک بس کو روکا گیا۔

بس کی تلاشی کے دوران تین مشکوک نوجوانوں کو حراست میں لے لیا گیا۔ پوچھ گچھ کے دوران ان کی شناخت دیپک پرمار (29)، نودیپ (27) اور سچن (39) کے طور پر کی گئی۔ تینوں گجرات کے رہنے والے ہیں۔ پولیس کو ان کے پاس سے 220.35 کیرٹ کے ہیرے اور 77,370 روپے نقدی ملے۔

جب پولیس نے ملزمان سے ہیروں اور نقدی سے متعلق دستاویزات طلب کیں تو وہ کوئی ثبوت نہیں دکھا سکے۔ ایسے میں پولیس نے ہیرے اور نقدی ضبط کر لی۔

پولیس فی الحال تینوں ملزمان سے پوچھ گچھ کر رہی ہے تاکہ چوری کی واردات اور دیگر ممکنہ ملزمان کے بارے میں معلومات اکٹھی کی جا سکیں۔ ساتھ ہی ممبئی پولیس سے رابطہ کرکے کیس کے بارے میں تفصیلی معلومات حاصل کی جارہی ہے۔

پولیس کے مطابق ضبط کئے گئے ہیروں کی قیمت تقریباً 1.5 کروڑ روپئے ہے۔

ہندوستھان سماچار

ہندوستان سماچار / عبدالواحد