لکھنؤ، 29 نومبر (ہ س)۔ سنبھل میں جمعہ کو جامع مسجد کے لاؤڈ اسپیکر کے ذریعے امن برقرار رکھنے کی بار بار اپیل کی گئی۔ لاؤڈ اسپیکر کے ذریعے بتایا گیا کہ بازاروں میں لوگوں کی ضروریات پوری کرنے کے لیے دکاندار اپنی دکانیں کھولنا شروع کر دیں۔ معمول کا ماحول بنانے کے لیے دکانیں کھولی جائیں۔ مسجد سے اپیل کے چند ہی منٹوں میں سماج وادی پارٹی نے سنبھل کے لیے لکھنؤ سے ایک وفد بھیجنے کا اعلان کیا۔

سماج وادی پارٹی نے پندرہ لیڈروں کی فہرست جاری کی ہے جس میں دونوں ایوانوں کے قائد حزب اختلاف ماتا پرساد اور لال بہاری، پانچ ممبران پارلیمنٹ اور چار ایم ایل اے کا نام رکھا گیا ہے۔ سنبھل کے ایم پی ضیاء الرحمان برق کا نام بھی اس فہرست میں شامل ہے۔

---------------

ہندوستان سماچار / عبدالسلام صدیقی