۔3 ہفتوں کے اندر آر بی آئی کو سود کے ساتھ 20 لاکھ روپے جمع کرنے کی شرط پر پیشگی ضمانت

نئی دہلی، 21 نومبر ( ہ س)۔ سپریم کورٹ نے منی لانڈرنگ معاملے میں جگن ناتھ مندر کے پجاری راج کمار دیتا پتی کو بڑی راحت دی ہے۔ چیف جسٹس سنجیو کھنہ کی سربراہی والی بنچ نے پجاری راجکمار دیتا پتی کو تین ہفتوں کے اندر ریزرو بینک میں سود کے ساتھ 20 لاکھ روپے جمع کرانے کی شرط پر پیشگی ضمانت دی ہے۔

سماعت کے دوران، عدالت نے کہا کہ دونوں فریقوں کے درمیان معاہدے کے مطابق، درخواست گزار کو غیر ملکی شہریوں کی جانب سے 92 لاکھ روپے ملنا تھے، لیکن اب تک انہوں نے ریزرو بینک میں صرف 80 لاکھ روپے جمع کرائے ہیں۔

دراصل اس معاملے میں درخواست گزار نے کہا ہے کہ راجکمار دیتا پتی شری جگناتھ مندر، پوری، اڈیشہ کے نسل در نسل پجاری بتائے گئے ہیں ۔ کچھ غیر ملکی شہریوں کی طرف سے درج کرائی گئی ایف آئی آر کے سلسلے میں ان کے خلاف منی لانڈرنگ کی کارروائی شروع کی گئی ہے۔ ایف آئی آر میں 2,32,568 امریکی ڈالر کی دھوکہ دہی کا مقدمہ درج کیا گیا ہے۔ ایف آئی آر میں، ملزم کو شکایت کنندہ غیر ملکی شہریوں کے ذریعہ معاملے کی دیکھ بھال کرنے اورغیر ملکیوں کی جانب سمجھوتہ کرنے اور رقم وصول کرنے کے لیے ثالث کے طور پر کام کرنے کے لیے پاور آف اٹارنی دیا تھا۔

ہندوستھان سماچار

ہندوستان سماچار / محمد شہزاد