ممبئی، 20 نومبر (ہ س)۔

مہاراشٹر کے دھولے ضلع میں پولیس ٹیم نے بدھ کو 10 ہزار کلو چاندی کی اینٹیں ضبط کیں۔ ضبط کی گئی چاندی کی اینٹوں کی کل مالیت 94 ہزار 68 لاکھ روپے بتائی گئی ہے۔ دھولے پولس تھانہ کی ٹیم اس معاملے کی گہرائی سے چھان بین کر رہی ہے۔ پولیس کے مطابق دھولے تھانہ کی ٹیم کو شہر میں بڑے پیمانے پر چاندی کی آمد کی خفیہ اطلاع ملی تھی۔ اس اطلاع کی بنیاد پر پولیس نے ناکہ بندی کر کے مشکوک گاڑی کی تلاشی لی۔ تلاشی کے بعد گاڑی سے چاندی کی اینٹیں برآمد ہوئیں، جنہیں پولیس نے ضبط کر لیا ہے۔ آج پورے مہاراشٹر میں ریاست کی 288 اسمبلی سیٹوں کے لیے ووٹنگ ہو رہی ہے۔ پولیس ٹیم نے تفتیش شروع کر دی ہے کہ برآمد شدہ چاندی کیوں لائی گئی۔

ہندوستھان سماچار

ہندوستان سماچار / عطاءاللہ