’ہیرا پھیری‘ بچوں سے لے کر بڑوں تک ،سب کی پسندیدہ فلم ہے۔ 'ہیرا پھیری' اور 'پھر ہیرا پھیری' دونوں کا اپنا -اپنا فین بیس ہے۔ ان دونوں فلموں نے کئی سالوں تک ناظرین کو ہنسایا ہے۔ پریش راول، اکشے کمار اور سنیل شیٹی کی فلم ’ہیرا پھیری‘ کا تیسرا پارٹ جلد ہی ناظرین کے سامنے آئے گا۔ حال ہی میں 'ہیرا پھیری' کی تکڑی کو ہوائی اڈے پر دیکھا گیا تھا۔ اس وقت اکشے کمار کی پریش راول کے ساتھ کی گئی ایک چھوٹی سی حرکت آپ کو ہنسنے پر مجبور کر دے گی۔
ہوا یوں کہ اکشے کمار، پریش راول اور سنیل شیٹی لگژری کار سے اتر کر ایئرپورٹ آئے۔ اس وقت پریش راول اور سنیل شیٹی بات کر رہے تھے۔ تینوں کو ایک ساتھ دیکھ کر وہاں موجود میڈیا نے خوشی کا اظہار کیا۔ لوگ پیار سے پریش راول کو ’بابو بھیا، بابو بھیا‘کہہ کر بلا رہے تھے، لیکن پریش راول کو شاید اس کا خیال نہیں تھا اور وہ ان کی جانب متوجہ نہیں ہور ہے تھے۔ اس وقت اکشے کمار نے پریش راول کے سر پر ہاتھ رکھا اور ان کا سر میڈیا کی طرف موڑ دیا۔ اکشے کمار نے جیسے ہی یہ کیا ،وہ خود بھی ہنسنے لگے اور پریش راول بھی اپنی ہنسی نہ روک سکے۔
فلم ’ہیرا پھیری-3‘ کے جلد آنے کے چرچے ہونے کے بعد اب فلم کی شوٹنگ شروع ہو گئی ہے۔ اس فلم کو فرہاد سمجی ڈائریکٹ کر رہے ہیں۔ 'ہیرا پھیری' کا پہلا پارٹ 2000 میں ریلیز ہوا تھا جب کہ 'پھر ہیرا پھیری' 2006 میں ریلیز ہوئی تھی۔ پہلی 'ہیرا پھیری' کو ریلیز ہوئے 22 سال ہو چکے ہیں لیکن فلم کا جنون اب بھی برقرار ہے۔ اب ایک بار پھر بابو بھیا، راجو اور شیام مداحوں کو ہنسانے آرہے ہیں۔ فی الحال ’ہیرا پھیری-3‘ کی شوٹنگ زوروں پر چل رہی ہے۔
ہندوستھا ن سماچار
ہندوستان سماچار / محمد شہزاد
