- سرمایہ کاروں کو ایک دن میں 8.86 لاکھ کروڑ روپے کا نقصان

نئی دہلی، 22 اکتوبر ( ہ س)۔ عالمی دباو¿ اور غیر ملکی ادارہ جاتی سرمایہ کاروں کی طرف کی گئی زبردست فروخت کی وجہ سے منگل کو گھریلو شیئر مارکیٹ ایک بار پھر بڑی گراوٹ کا شکار ہو گیا۔ آج کے کاروبار کی شروعات معمولی اضافے کے ساتھ ہوئی تھی ۔ کاروبار کے پہلے آدھے گھنٹے میں ہی شیئر بازار خریداری کے سہارے مضبوطی حاصل کرنے میں کامیاب رہا تاہم اس کے بعد مارکیٹ میں چوطرفہ فروخت شروع ہوگئی۔ زوردار فروخت کی وجہ سے، سینسیکس اوپری سطح سے 1,350 پوائنٹس سے زیادہ اور نفٹی 435 پوائنٹس سے زیادہ گر گیا۔ پورے دن کے کاروبار کے بعد سینسیکس 1.15 فیصد اور نفٹی 1.25 فیصد کی گراوٹ کے ساتھ بند ہوا۔

آج کے کاروبار میں تمام سیکٹرل انڈیکس کمی کے ساتھ سرخ رنگ میں بند ہوئے۔ آج پبلک سیکٹر انٹرپرائز، آٹوموبائل، کیپٹل گڈز، کنزیومر ڈیوریبلز، میٹل اور آئل اینڈ گیس سیکٹرز کے شیئروں میں سب سے زیادہ فروخت ہوتی رہی ۔ اس کے علاوہ ٹیک، ہیلتھ کیئر، ایف ایم سی جی، آئی ٹی اور بینک انڈیکس بھی گراوٹ کے ساتھ بند ہوئے۔براڈر مارکیٹ میں آج فروخت کا زبردست دباو¿ رہا، جس کی وجہ سے بی ایس ای مڈ کیپ انڈیکس 2.52 فیصد کی گراوٹ کے ساتھ بند ہوا۔ اسی طرح، اسمال کیپ انڈیکس نے آج کی تجارت 3.81 فیصد کے نقصان کے ساتھ ختم کی۔

آج، اسٹاک مارکیٹ میں کمزوری کی وجہ سے حصص بازار کے سرمایہ کاروں کی دولت میں تقریبا 9 لاکھ کروڑ روپے کی کمی آگئی۔ آج کے کاروبار کے بعد بی ایس ای کی فہرست میں شامل کمپنیوں کی مارکیٹ کیپٹلائزیشن گھٹ کر 444.79 لاکھ کروڑ (عارضی) رہ گئی۔گزشتہ تجارتی دن یعنی پیر کو ان کا مارکیٹ کیپٹلائزیشن453.65 لاکھ کروڑ روپے تھا۔ اس طرح سے سرمایہ کاروں کو آج کی ٹریڈنگ سے تقریباً 8.86 لاکھ کروڑ روپے کا نقصان ہوا ہے۔

آج، دن کے کاروبار میں این ایس ای میں 2,531 شیئروں میں ایکٹیو ٹریڈنگ ہوئی۔ ان میں سے 223شیئر منافع کمانے کے بعد سبز نشان میں بند ہوئے اور 2308شیئر نقصان اٹھانے کے بعد سرخ نشان پر بند ہوئے۔ اسی طرح، سینسیکس میں شامل 30 شیئر میں سے، صرف 1 شیئر اضافے کے ساتھ جبکہ 29 حصص گراوٹ کے ساتھ بند ہوئے۔ نفٹی میں شامل 50 شیئروں میں سے صرف 1 شیئر سبز نشان میں بند ہوا اور 49 حصص سرخ نشان میں بند ہوئے۔

بی ایس ای سینسیکس آج 3.81 پوائنٹس کے علامتی اضافے کے ساتھ 81,155.08 پوائنٹس پر کھلا۔ کاروبار کے آغاز کے بعد خریداری کے تعاون سے صبح 10 بجے تک یہ انڈیکس 352.97 پوائنٹس کی چھلانگ لگا کر 81,504.24 پوائنٹس کی سطح پر پہنچ گیا۔ تاہم اس کے بعد فروخت کی وجہ سے اس انڈیکس کی حرکت میں کمی آئی۔ مسلسل فروخت کے باعث یہ انڈیکس بالائی سطح سے 1,354.71 پوائنٹس گر گیا اور آج کے کاروبار کے اختتام سے کچھ دیر قبل 1,001.74 پوائنٹس کی کمزوری کے ساتھ 80,149.53 پوائنٹس کی دن کی کم ترین سطح پر آگیا۔ پورے دن کے کاروبار کے بعد سینسیکس 930.55 پوائنٹس کی گراوٹ کے ساتھ 80,220.72 پوائنٹس پر بند ہوا۔

سینسیکس کی طرح، این ایس ای کے نفٹی نے بھی آج 17.55 پوائنٹس کے معمولی اضافے کے ساتھ 24,798.65 پوائنٹس پر تجارت شروع کی۔ مارکیٹ کھلنے کے بعد خریداری کے تعاون سے یہ انڈیکس 100.90 پوائنٹس بڑھ کر 24,882 پوائنٹس پر پہنچ گیا تاہم اس کے بعد فروخت کے دباو¿ کے باعث اس انڈیکس کی حرکت میں کمی واقع ہوئی۔ مسلسل فروخت کے باعث دوپہر 3 بجے کے قریب یہ انڈیکس بالائی سطح سے 436.20 پوائنٹس کی کمی سے 335.30 پوائنٹس کی کمی سے 24,445.80 پوائنٹس پر آگیا۔ تاہم، آخری منٹ کے انٹرا ڈے سیٹلمنٹ کی وجہ سے، نفٹی نے نچلی سطح سے معمولی ریکوری کی اور 309 پوائنٹس کی کمزوری کے ساتھ 24,472.10 پوائنٹس پر بند ہوا۔

پورے دن کی تجارت کے بعد، سینسیکس اور نفٹی میں شامل شیئروں میں سے صرف آئی سی آئی سی آئی بینک کا شیئر0.67 فیصد کے اضافے کے ساتھ بند ہونے میں کامیاب رہا۔ دوسری طرف، ان دو انڈیکس میں شامل اسٹاک مارکیٹ کے بڑے شیئروں میں سے اڈانی انٹرپرائزز 3.88 فیصد، بھارت الیکٹرانکس 3.77 فیصد، مہندرا اینڈ مہندرا 3.70 فیصد، کول انڈیا 3.51 فیصد اور ٹاٹا اسٹیل 2.99 فیصد کی گراوٹ کے ساتھ آج کے ٹاپ 5 لوزرس کی فہرست میں شامل رہے۔

ہندوستھان سماچار

ہندوستان سماچار / محمد شہزاد