مدھیہ پردیش میں اب راتیں سرد ہونے لگیں، کئی اضلاع میں درجہ حرارت میں کمی

بھوپال، 18 اکتوبر (ہ س)۔

مدھیہ پردیش میں مانسون کی وداعی کے بعد اب موسم بدل گیا ہے۔ راجدھانی بھوپال سمیت ریاست کے کئی اضلاع میں صبح اور شام سرد ہونے لگی ہیں۔ گوالیار، پچمڑھی، ریوا اور راج گڑھ میں راتیں سرد ہونے لگی ہیں۔ یہاں رات کا درجہ حرارت 19 ڈگری سیلسیس سے نیچے آ گیا ہے۔ بھوپال-اندور میں درجہ حرارت 22-21 ڈگری ہے۔ دیوالی تک ریاست کے بیشتر شہروں میں راتیں سرد ہو جائیں گی۔ حالانکہ جمعہ کو بھوپال سمیت کئی اضلاع میں دھوپ کھلی۔

محکمہ موسمیات کے مطابق جنوبی ساحلی آندھرا پردیش اور شمالی ساحلی تمل ناڈو پر کم دباو کا علاقہ ہے۔ یہ آگے بڑھے گا اور ڈپریشن میں بدل جائے گا۔ اس کا اثر مدھیہ پردیش میں بھی نظر آئے گا۔ اس کے علاوہ دو سائیکلونک سرکولیشن بھی متحرک ہیں۔ دوسری جانب ریاست کے جنوبی حصے کے 12 اضلاع میں اگلے 2 دنوں تک ہلکی بارش اور گرج چمک کے ساتھ بارش ہوگی۔ یہ کم دباو والے علاقے اور سائیکلونک گردش کی وجہ سے ہوگا۔ 20 اکتوبر سے سسٹم کی سرگرمی کم ہو جائے گی اور بارش کا سلسلہ رک جائے گا۔

محکمہ موسمیات نے اگلے 24 گھنٹوں میں مدھیہ پردیش کے جنوبی علاقے کے کئی اضلاع میں موسم بدلنے کی پیشین گوئی کی ہے۔ 18 اکتوبر کو منڈلا، بالاگھاٹ، سیونی، چھندواڑہ، پانڈھرنا، بیتول، ہردا، کھنڈوا، برہان پور، کھرگون، بڑوانی میں گرج چمک اور ہلکی بارش ہوسکتی ہے۔ بھوپال، اندور، اجین، گوالیار، جبل پور سمیت کئی اضلاع میں موسم صاف رہے گا۔ یہاں دھوپ نکلے گی۔ 19 اکتوبر کو بڑوانی، کھرگون، کھنڈوا، برہان پور، ہردا، نرمداپورم، بیتول، چھندواڑہ، پانڈھرنا، سیونی، منڈلا، بالاگھاٹ میں گرج چمک کی صورت حال رہ سکتی ہے۔

ہندوستھان سماچار

---------------

ہندوستان سماچار / انظر حسن