جموں،23 ستمبر (ہ س)۔

شمالی ریلوے نے جموں و کشمیر سے گزرنے والی کئی ٹرینوں کے اوقات میں تبدیلی کا اعلان کیا ہے۔ تین ڈی ایم یو ٹرینوں کے نئے اوقات 25 ستمبر سے نافذ ہوں گے، جبکہ شری ماتا ویشنو دیوی کٹرا سے چلنے والی دو ایکسپریس ٹرینوں کے اوقات نومبر سے تبدیل کیے جائیں گے۔ریلوے کے مطابق ٹرین نمبر 74617 بانہال-بڈگام ڈی ایم یو 25 ستمبر سے شام 6 بج کر 35 منٹ کے بجائے شام 7 بجے بڈگام پہنچے گی۔ اسی طرح ٹرین نمبر 74621 بڈگام-بارہمولہ ڈی ایم یو شام 7 بجے کے بجائے 7 بج کر 15 منٹ پر بڈگام سے روانہ ہوگی اور 8 بج کر 10 منٹ پر بارہمولہ پہنچے گی۔

نئے شیڈول کے مطابق مذکورہ ٹرین مجہوم میں شام 7 بج کر 29 منٹ، پٹن میں 7 بج کر 38 منٹ، ہامرے میں 7 بج کر 47 منٹ اور سوپور میں 7 بج کر 55 منٹ پر پہنچے گی۔ مختلف اسٹیشنوں پر اس کے قیام کے بعد روانگی کے اوقات بالترتیب 7:30، 7:39، 7:48 اور 7:56 بجے ہوں گے۔

اس کے علاوہ ٹرین نمبر 74620 بارہمولہ-سنگلدان ڈی ایم یو کے سنگلدان پہنچنے کا وقت بھی 25 ستمبر سے شام 6 بج کر 55 منٹ کے بجائے 7 بج کر 20 منٹ کر دیا گیا ہے۔دریں اثنا، ٹرین نمبر 12476 شری ماتا ویشنو دیوی کٹرا-ہاپا ایکسپریس کے اوقات میں 23 نومبر سے تبدیلی ہوگی۔ یہ ٹرین شہید کیپٹن تشار مہاجن اسٹیشن سے صبح 10 بج کر 4 منٹ پر روانہ ہوگی، جبکہ پہلے اس کی روانگی کا وقت 10 بج کر 26 منٹ تھا۔

جموں توی اسٹیشن پر ٹرین صبح 11 بج کر 20 منٹ پر پہنچے گی اور 11 بج کر 30 منٹ پر روانہ ہوگی۔ شہید کیپٹن سنیل کمار چودھری کٹھوعہ اسٹیشن پر اس کے پہنچنے کا وقت دوپہر 12 بج کر 28 منٹ اور روانگی 12 بج کر 30 منٹ ہوگی، جبکہ پٹھان کوٹ کینٹ پر یہ ٹرین دوپہر 1 بج کر 15 منٹ پر پہنچے گی اور 1 بج کر 20 منٹ پر روانہ ہوگی۔

اسی طرح ٹرین نمبر 12478 شری ماتا ویشنو دیوی کٹرا-جام نگر ایکسپریس کا نیا شیڈول 29 نومبر سے نافذ ہوگا۔ اس ٹرین کے شہید کیپٹن تشار مہاجن، جموں توی، شہید کیپٹن سنیل کمار چودھری کٹھوعہ اور پٹھان کوٹ کینٹ اسٹیشنوں کے اوقات میں بھی تبدیلی کی جائے گی۔ریلوے نے مسافروں سے اپیل کی ہے کہ سفر سے قبل ٹرینوں کے اوقات اور اسٹاپ سے متعلق تازہ معلومات کے لیے ریل مدد ہیلپ لائن 139 سے رابطہ کریں یا ریلوے کی انکوائری ویب سائٹ سے معلومات حاصل کریں۔

ہندوستھان سماچار

ہندوستان سماچار / محمد اصغر