لکھنؤ، 18 ستمبر(ہ س)۔ اتر پردیش کے وزیراعلیٰ یوگی آدتیہ ناتھ سے جمعہ کو مرکزی وزیر ماحولیات، جنگلات و موسمیاتی تبدیلی بھوپیندر یادو نے لکھنؤ میں ان کی سرکاری رہائش گاہ پانچ کالیداس مارگ پر ملاقات کی۔ملاقات کے دوران وزیراعلیٰ یوگی آدتیہ ناتھ اور مرکزی وزیر بھوپیندر یادو کے درمیان ماحولیات کے تحفظ، جنگلاتی علاقوں کی ترقی اور موسمیاتی تبدیلی سے متعلق مختلف امور پر تبادلہ خیال ہوا۔ دونوں رہنماؤں نے اتر پردیش میں ماحولیاتی تحفظ اور جنگلاتی رقبے کو فروغ دینے کے لیے کیے جا رہے اقدامات کے ساتھ مرکز اور ریاستی حکومت کے درمیان بہتر تال میل کے حوالے سے بھی گفتگو کی۔

ملاقات میں ریاست میں سبز رقبے میں توسیع، جنگلات و جنگلی حیات کے تحفظ اور ماحولیاتی توازن برقرار رکھنے سے متعلق امور پر بھی تبادلہ خیال کیا گیا۔ وزیراعلیٰ یوگی آدتیہ ناتھ نے ریاست میں ماحولیاتی تحفظ اور سبز احاطے میں اضافے کے لیے کیے جا رہے اقدامات سے مرکزی وزیر کو آگاہ کیا۔

ہندوستھان سماچار

ہندوستان سماچار / Mohammad Khan