ابتدائی کاروبار میں شیئر بازار میں اتار چڑھاو کے درمیان تیزی کا رجحان، سینسیکس اور نفٹی میں اضافہنئی دہلی، 16 ستمبر (ہ س)۔ گھریلو شیئر بازار آج ابتدائی کاروبار میں اتار۔چڑھاو کے درمیان مضبوطی کے ساتھ کاروبار کرتا ہوا نظر آ رہا ہے۔ آج کے کاروبار کی شروعات بھی برتری کے ساتھ ہوئی تھی۔ بازار کھلنے کے فوراً بعد خریدار اور فروخت کنندگان کے درمیان رسہ کشی شروع ہو گئی، جس کی وجہ سے سینسیکس اور نفٹی دونوں انڈیکس کی چال میں اتار چڑھاو ہونے لگا۔ فروخت کے دباو میں یہ دونوں انڈیکس گر کر کچھ دیر کے لیے سرخ نشان میں بھی پہنچے، لیکن تھوڑی دیر بعد ہی خریداروں نے خریداری شروع کر کے ان دونوں انڈیکس کو واپس سبز نشان میں پہنچا دیا۔ بازار میں مسلسل جاری خرید و فروخت کے درمیان پہلے ایک گھنٹے کا کاروبار ہونے کے بعد سینسیکس 0.28 فیصد اور نفٹی 0.31 فیصد کی مضبوطی کے ساتھ کاروبار کر رہے تھے۔بی ایس ای کا سینسیکس آج 245.49 پوائنٹس یعنی 0.33 فیصد کے اضافے کے ساتھ 74,249.31 پوائنٹس کی سطح پر کھلا۔ کاروبار کی شروعات ہوتے ہی خریداری کی حمایت سے تھوڑی دیر میں ہی یہ انڈیکس ابتدائی سطح سے 250 پوائنٹس سے بھی زیادہ کے اضافے کے ساتھ 74,505.86 پوائنٹس تک آ گیا۔ اس کے فوراً بعد بازار میں منافع وصولی کی وجہ سے فروخت شروع ہو گئی۔ فروخت کے دباو میں سینسیکس پہلے آدھے گھنٹے کے کاروبار میں ہی اپنی ساری برتری گنوا کر سرخ نشان میں 73,981.33 پوائنٹس کی سطح تک گر گیا۔اس کے بعد خریداروں نے ایک بار پھر خریداری کا زور بنایا، جس سے یہ انڈیکس سنبھل کر واپس سبز نشان میں پہنچ گیا۔ بازار میں مسلسل جاری خرید و فروخت کے درمیان پہلے ایک گھنٹے کا کاروبار ہونے کے بعد صبح 10:15 بجے سینسیکس 209.59 پوائنٹس یعنی 0.28 فیصد کی مضبوطی کے ساتھ 74,213.41 پوائنٹس کی سطح پر کاروبار کر رہا تھا۔سینسیکس کی طرح ہی این ایس ای کے نفٹی نے آج 83 پوائنٹس یعنی 0.36 فیصد کے اضافے کے ساتھ 23,201.60 پوائنٹس کی سطح سے کاروبار کی شروعات کی۔ بازار کھلتے ہی خریداری کی حمایت سے پہلے پانچ منٹ میں ہی یہ انڈیکس ابتدائی سطح سے تقریباً 80 پوائنٹس کی چھلانگ لگا کر 23,281.15 پوائنٹس کی سطح پر آ گیا۔ اس کے بعد بازار میں فروخت کا دباو بن گیا۔شیئروں کی مسلسل فروخت ہونے کی وجہ سے صبح 10 بجے سے تھوڑی دیر پہلے نفٹی گر کر سرخ نشان میں 23,116.10 پوائنٹس کی سطح پر پہنچ گیا۔ اس کے فوراً بعد خریداروں نے خریداری شروع کر دی، جس سے اس انڈیکس کی چال میں سدھار ہونے لگا۔ بازار میں مسلسل جاری خریداری اور فروخت کے درمیان ابتدائی ایک گھنٹے کا کاروبار ہونے کے بعد صبح 10.15 بجے نفٹی 71.75 پوائنٹس یعنی 0.31 فیصد کے اضافے کے ساتھ 23,190.35 پوائنٹس کی سطح پر کاروبار کر رہا تھا۔ابھی تک کے کاروبار میں شیئر بازار میں 2,933 شیئروں میں ایکٹیو ٹریڈنگ ہو رہی تھی۔ ان میں سے 657 شیئر منافع کما کر سبز نشان میں کاروبار کر رہے تھے، جبکہ 2,276 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 21 شیئر خریداری کی حمایت سے سبز نشان میں برقرار تھے۔ دوسری طرف 9 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 32 شیئر سبز نشان میں اور 18 شیئر سرخ نشان میں کاروبار کرتے نظر آ رہے تھے۔ابتدائی ایک گھنٹے کا کاروبار ہونے کے بعد شیئر بازار کی سرکردہ کمپنیوں میں سے مہندرا اینڈ مہندرا، ٹاٹا کنزیومر پروڈکٹس، ایچ سی ایل ٹیکنالوجی، آئی ٹی سی اور نیسلے کے شیئر 1.46 فیصد سے لے کر 1.93 فیصد کی مضبوطی کے ساتھ کاروبار کر رہے تھے۔ دوسری طرف، ٹاٹا اسٹیل، ٹاٹا موٹرز پیسنجر وہیکلز لمیٹڈ (ٹی ایم پی وی)، این ٹی پی سی، او این جی سی اور ٹی سی ایس کے شیئر 0.80 فیصد سے لے کر 1.66 فیصد کی کمزوری کے ساتھ کاروبار کرتے ہوئے نظر آ رہے تھے۔ہندوستھان سماچار

---------------

ہندوستان سماچار / انظر حسن