گلوبل مارکیٹ سے ملے جلے اشارے، ایشیا میں تیزی کا رخنئی دہلی، 16 ستمبر (ہ س)۔ گلوبل مارکیٹ سے آج ملے جلے اشارے مل رہے ہیں۔ امریکی بازار گزشتہ سیشن کے دوران گراوٹ کے ساتھ بند ہوئے۔ حالانکہ ڈاو جونز فیوچرز آج مضبوطی کے ساتھ کاروبار کر رہا ہے۔ یورپی بازار میں بھی پچھلے سیشن کے دوران مسلسل دباو بنا رہا۔ وہیں ایشیائی بازار آج عام طور پر مضبوطی کے ساتھ کاروبار کرتا ہوا نظر آ رہا ہے۔پچھلے سیشن کے دوران وال اسٹریٹ میں فروخت کا سلسلہ جاری رہا۔ یو ایس ٹریژری ییلڈ میں اضافہ، شرح سود سے متعلق بڑھتی تشویش اور خام تیل کی قیمت میں اضافہ ہونے کی وجہ سے سرمایہ کار محتاط انداز میں کاروبار کرتے رہے۔ اس کا اثر وال اسٹریٹ کے انڈیکس کی گراوٹ کے طور پر صاف صاف نظر آیا۔ ڈاو جونز انڈسٹریل ایوریج 328.09 پوائنٹس یعنی 0.63 فیصد کی گراوٹ کے ساتھ 52,093.11 پوائنٹس کی سطح پر آ گیا۔اسی طرح ایس اینڈ پی 500 انڈیکس نے 0.45 فیصد کی کمزوری کے ساتھ 7,585.73 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ نیسڈیک 204.84 پوائنٹس یعنی 0.78 فیصد کی گراوٹ کے ساتھ 25,981.57 پوائنٹس کی سطح پر بند ہوا۔ اس کے برعکس ڈاو جونز فیوچرز آج فی الحال 113.77 پوائنٹس یعنی 0.22 فیصد کے اضافے کے ساتھ 52,206.88 پوائنٹس کی سطح پر کاروبار کرتا ہوا نظر آ رہا ہے۔یورپی بازار میں بھی گزشتہ سیشن کے دوران مسلسل فروخت ہوتی رہی۔ ایف ٹی ایس ای انڈیکس 0.37 فیصد کی گراوٹ کے ساتھ 10,658.13 پوائنٹس کی سطح پر بند ہوا۔ اسی طرح سی اے سی انڈیکس نے 0.34 فیصد کی گراوٹ کے ساتھ 8,090.28 پوائنٹس کی سطح پر پچھلے سیشن کے کاروبار کا اختتام کیا۔ اس کے علاوہ ڈی اے ایکس انڈیکس 0.15 فیصد کی گراوٹ کے ساتھ 25,402.28 پوائنٹس کی سطح پر بند ہوا۔امریکی اور یورپی بازار کے برعکس ایشیائی بازار میں آج عام طور پر خریداری کا رجحان بنا ہوا ہے۔ ایشیا کے نو بازاروں میں سے آٹھ کے انڈیکس مضبوطی کے ساتھ سبز نشان میں کاروبار کر رہے ہیں، جبکہ ایک انڈیکس گراوٹ کے ساتھ سرخ نشان میں برقرار ہے۔ ایشیائی بازار میں واحد سیٹ کمپوزٹ انڈیکس 0.31 فیصد کی گراوٹ کے ساتھ 1,573.79 پوائنٹس کی سطح پر کاروبار کر رہا ہے۔دوسری طرف، گفٹ نفٹی 0.14 فیصد کی مضبوطی کے ساتھ 23,235.50 پوائنٹس کی سطح پر کاروبار کر رہا ہے۔ اسی طرح اسٹریٹس ٹائمز انڈیکس 0.09 فیصد کے اضافے کے ساتھ 5,625.85 پوائنٹس کی سطح پر پہنچا ہوا ہے۔ کوسپی انڈیکس میں آج زبردست تیزی نظر آ رہی ہے۔ فی الحال یہ انڈیکس 83.27 پوائنٹس یعنی 1.24 فیصد کی تیزی کے ساتھ 6,710.53 پوائنٹس کی سطح پر آ گیا ہے۔تائیوان ویٹڈ انڈیکس نے بھی آج زبردست چھلانگ لگائی ہے۔ فی الحال یہ انڈیکس 503.25 پوائنٹس یعنی 1.09 فیصد کے اضافے کے ساتھ 46,014.74 پوائنٹس کی سطح پر آ گیا ہے۔ اسی طرح جکارتہ کمپوزٹ انڈیکس 0.62 فیصد کی مضبوطی کے ساتھ 6,501.39 پوائنٹس کی سطح پر پہنچا ہوا ہے۔ اس کے علاوہ شنگھائی کمپوزٹ انڈیکس 0.57 فیصد کے اضافے کے ساتھ 3,886.48 پوائنٹس کی سطح پر، نکیئی انڈیکس 0.52 فیصد کی تیزی کے ساتھ 63,819 پوائنٹس کی سطح پر اور ہینگ سینگ انڈیکس 0.10 فیصد کے اضافے کے ساتھ 24,693 پوائنٹس کی سطح پر کاروبار کر رہے ہیں۔ہندوستھان سماچار

---------------

ہندوستان سماچار / انظر حسن