جموں, 10 ستمبر (ہ س): جموں و کشمیر میں آئندہ چند روز کے دوران موسم مجموعی طور پر خشک رہنے کا امکان ہے، تاہم بعض مقامات پر وقفے وقفے سے ہلکی بارش اور گرج چمک کے ساتھ بوندا باندی ہوسکتی ہے۔

محکمہ موسمیات مرکز سری نگر کے مطابق 10 ستمبر کو جموں میں موسم زیادہ تر صاف رہنے کی توقع ہے، جبکہ زیادہ سے زیادہ درجہ حرارت 34 ڈگری اور کم سے کم 25 ڈگری سیلسیس کے آس پاس رہ سکتا ہے۔

ستمبر 11 اور 12 کو بھی بیشتر علاقوں میں موسم صاف اور خشک رہنے کا امکان ہے، تاہم بعض مقامات پر مختصر دورانیے کی بارش ہوسکتی ہے۔

محکمہ کے مطابق 13 سے 16 ستمبر کے دوران بعض علاقوں میں صبح اور دوپہر کے وقت ہلکی بارش یا گرج چمک کے ساتھ بوندا باندی ہوسکتی ہے۔ اس کے بعد 17 سے 20 ستمبر تک موسم ایک مرتبہ پھر عمومی طور پر خشک رہنے کا امکان ہے۔

محکمہ موسمیات نے کسانوں کو سیب اور دھان کی کٹائی سمیت دیگر زرعی سرگرمیاں جاری رکھنے کا مشورہ دیا ہے۔

ہندوستھان سماچار

---------------

ہندوستان سماچار / محمد اصغر