نئی دہلی، 5 اگست (ہ س): بھارت کے سکریٹری خارجہ وکرم مسری، جو سری لنکا کے ایک روزہ دورے پر ہیں، نے بدھ کے روز دارالحکومت کولمبو میں سری لنکا کے صدر انورا کمارا دیسانایکے سے ملاقات کی۔ دونوں فریقوں نے باہمی دلچسپی کے مسائل اور بھارت کی مدد سے سری لنکا میں جاری بڑے ترقیاتی منصوبوں کا جائزہ لیا۔ دونوں ممالک نے 35 کروڑ امریکی ڈالر کی ہندوستانی روپے کی لائن آف کریڈٹ (آئی این آر) سے متعلق معاہدوں کا بھی تبادلہ کیا۔
سری لنکا میں ہندوستانی ہائی کمیشن نے سوشل میڈیا پلیٹ فارم ایکس پر کہا کہ سکریٹری خارجہ وکرم مسری کی صدر انورا کمارا دیسانایکے کے ساتھ ملاقات میں دو طرفہ تعاون کو مزید مستحکم کرنے کے لیے ہندوستان کی مدد سے سری لنکا میں جاری اہم ترقیاتی منصوبوں کی پیشرفت کا جائزہ لیا گیا۔
ملاقات کے بعد، دونوں فریقوں نے 35 کروڑ امریکی ڈالر مالیت کے قرض سے متعلق معاہدوں کا تبادلہ کیا۔ قرض کی شکل میں یہ امداد سمندری طوفان دیتوا کے نتیجے میں سری لنکا کو 450 ملین امریکی ڈالر کے بھارت کے تعمیر نو امدادی پیکیج کا حصہ ہے۔
قرض کی شکل میں امداد کا استعمال طوفان کے بعد کے تعمیر نو کے کاموں، بنیادی ڈھانچے کی ترقی اور ضروری مواد کی خریداری کی ضروریات کو پورا کرنے کے لیے کیا جائے گا۔
ہندوستھان سماچار
--------
ہندوستان سماچار / عبدالواحد
