کولکاتا، 29 اگست (ہ س)۔ نیپال میں تباہ کن سیلاب کو تقریباً 48 گھنٹے گزر چکے ہیں لیکن آنجہانی رہنما مکل رائے کی بہو شرمشٹھا بھومک رائے کا تاحال کوئی سراغ نہیں مل سکا ہے۔ ترنمول کے سابق ایم ایل اے سبھرانشو رائے اپنی اہلیہ سے رابطہ نہ ہونے کی وجہ سے شدید تناو¿ میں ہیں اور فکر مند ہیں۔ دریں اثنا، ہفتہ کو ترنمول کانگریس کے ایک وفد نے سبھرانشو رائے کے گھر کا دورہ کیا اور ان کے اہل خانہ سے ملاقات کی۔

وفد میں رتورت بنرجی، چندریما بھٹاچاریہ، فرہاد حکیم، اروپ بسواس، اور شانتنو سین شامل تھے۔ قائدین نے سبھرانشو رائے سے بات کی اور ان کے بیٹے اور بیٹی سے بھی ملاقات کی اور اہل خانہ کی خیریت دریافت کی ۔

نیپال میں تباہ کن سیلاب اور اچانک آئی تیز دھاروں کے بعد شرمشٹھا بھومک رائے کو لاپتہ ہونے کی اطلاع ملی تھی۔ ان کے اہل خانہ ان کے ملنے اور محفوظ واپسی کی امید کر رہا ہے۔

ملاقات کے بعد فرہاد حکیم نے کہا کہ ہم خدا سے دعا کرتے ہیں کہ بہو جلد از جلد گھر واپس آئے۔ غور طلب ہے کہ وزیر اعلی شبھیندو ادھیکاری نے بھی سبھرانشو رائے سے بات کی اور انہیں ان بیوی کی محفوظ واپسی کو یقینی بنانے کا یقین دلایا۔

ہندوستھان سماچار

ہندوستان سماچار / محمد شہزاد